Günahdan qorxmayanlar!

Bəli, əziz dostlar bu Asəf Quliyev adlı şəxs də şəhid ailəsinin telefon zənginə bir dəfə nə zamansa cavab verə bilmədiyimə görə (Mən bunu da araşdıracam hələ nə qədər dəqiq faktdır) dolayısı ilə məni şəhid ailəsinə biganəlikdə günahlandırır. Sadəcə ayıbdır, günahdan qorxmursansa Allahdan qorx Asəf Quliyev deyirəm. Bəli, mən hətta seçici dairəmə daxil olmasa da o şəhidin yasında iştirak etmişəm və ümumiyyətlə hər zaman çalışmışam ki, hansı rayonda olursa olsun bütün şəhidlərimizin yasında iştirak edim və bunu özümə borc hesab etmişəm. Mən bilmirəm sizə özünüz şəxsən o yasda iştirak etmişdiniz ya yox amma mən oraya getməyi və ailənin yanında olmağı özümə borc bilmişdim. Bəli, həmin anaya telefon nömrəmi də vermişdim. Səhv etmişdim? Bəli, demişdim ki, problemin olsa övladın kimi çəkinmədən mənə zəng et. Səhv etmişdim? Mən Asəf Quliyevin sadəcə məntiqini anlamadım.. Ana deyir ki, utanıram kiməsə müraciət etməyə bir dəfə Qənirə xanıma zəng etdim telefonu cavab vermədi daha zəng etmədim. Mən sadəcə aylar sonra həmin ailənin bir dəfə telefon zənginə cavab verə bilməmişəm deyə Asəf Quliyev məni ittiham edir. (Bir daha araşdıracam hələ nə qədər dəqiq faktdır). Onun diqqətinə çatdırıram ki, o vaxtını mətbuat səhifələrində kimlərəsə sataşmaqla keçirəndə mən xarici ölkələrdə elə o şəhid ailələrini də ciddi narahat edən Qarabağ problemi ilə bağlı tədbirlərdə oluram və həmin zaman telefon nömrələrimiz rominq deyilən sistemdə olur və bir çox hallarda gələn nömrələr görünmür. Toplantılar, görüşlər zamanı telefon zənglərinə cavab vermək olmur və nömrələr gizli gəldiyi üçün sonradan onlara cavab da vermək də olmur. Bunu hər kəs gözəl bilir.. Şəhid ailəmiz gərək ikinci dəfə zəng edəydi və ya məsaj göndərəydi. Yox əgər onlara cavab verməsəydim o zaman Asəf Quliyevin nəsə yazmaq kimi mənəvi haqqı olardı. İkincisi məktub göndərmək olardı, deputat köməkçisinə zəng edilərək məlumat verilə bilərdi. Bunların heç biri olmayıb və sadəcə bir zəngə cavab verilmədiyinə görə bu qədər ədalətsiz, haqsız, mənəviyyatsız ittiham irəli sürülür. Sizi ölənə qədər bağışlamayacağam Asəf Quliyev! Çünki siz mənə mənim üçün ən həssas məsələdə bu qədər ədalətsizlik etdiniz. Başqa hansı məsələ olsa idi sizi bağışlayardım amma mənim üçün çox həssas məsələdə bu qədər haqsızlığınızı bağışlamayacağam. Unutmayın, bu ölkədə kimin kim olduğunu bilənlərin sayı sizin kimilərindən daha çoxdur ..



Və sonda əgər siz gerçəkdən səmimi olaraq şəhid ailələrini düşünən biri olsaysınız siz özünüz o ailənin problemini dinlədikdən sonra mənə müraciət edərək bu barədə məlumat verə bilərsiniz. Amma siz bunu etmədiniz. Demək ki, məqsədiniz sadəcə sataşmaq, ləkələməkdir.. Amma yalan ayaq tutar yeriməz deyiblər...



Sizə cavab yazmaya da bilərdim amma bir dostum iki gün əvvəl gözəl bir söz dedi. Mədəniyyət və tərbiyənə görə kimlərəsə cavab vermədikcə elə bilirlər onlardan qorxursan və bir az da fəallaşırlar dedi. Sözümü dedim bundan sonra nə qədər istəyirsiniz şər-böhtan yazın.. Bundan sonrası Allah əmanət. Allah özü sizə daha layiqli cavabı versin!