YeniMeydan.info - Dənizdə boğulmamaq üçün bunları bilməlisiniz

Dənizdə boğulmamaq üçün bunları bilməlisiniz - FOTOLAR

Hər il yay fəsli gələndə vətəndaşlar kütləvi şəkildə dəniz sahillərinə, çimərliklərə üz tuturlar. Çünki həyat mənbəyi olan su həm də yayda insanların istirahətini, sərinliyini, və günəş şüalarını qəbul etməsi üçün ideal istirahət məkanı hesab edilir.

Çimərlikdəki xilasetmə xidmətləri insanların təhlükəsizliyini nəzərə alaraq, bu sahəyə diqqətini artırsalar da, vətəndaşların çimərliklərdə, su hövzələrində təhlükəsizliklərini qorumaq üçün bəzi qaydalara riayət etmələri lazımdır.

İnsanlar çimərliklərdə suya daxil olmaqdan qabaq çəkən axınlara diqqət yetirməlidirlər.

Dəniz sularındakı çəkən axın nədir? Dənizin dib quruluşunun qum təpəciyi-yarıq-qum təpəciyi şəklində olduğu bölgələrdə tez-tez müşahidə olunan və dayaz sudan dərin suya hərəkət edən olduqca qüvvətli çaylardır.

Küləkli havalarda qum təpəciklərində qırılan dalğaların çuxur bölgələrindən geriyə doğru hərəkəti nəticəsində yaranan bu axınlar, dünya çempionu olan bir üzgüçünün də bacara bilməyəcəyi səviyyədə güclüdür.

Çəkən axınlar nə vaxt müşahidə olunur?

Çəkən axınlar bütün küləkli, tufanlı və dalğalı havalarda müşahidə olunur. Dalğanın hündürlüyü artdıqca çəkən axının gücü də artır. Xalq arasında geniş yayılmış şayiələrin əksinə, bu axıntılar insanları dənizin dibinə çəkmir. Əksinə su axını insanı sahildən uzaqlaşıb açıqlığa doğru aparır. Boğulma hadisələri, nisbətən təhlükəsiz dayaz sulardan açığa doğru çəkildiyini hiss edən insanların, qorxu və təlaşla çırpınaraq sahilə qayıtmağa çalışmaları və nəticədə yorğun düşərək özlərini su üzərində tutmamaları nəticəsində baş verir.

Bəs çəkən axını necə müəyyən edə bilərik?

Dənizin müəyyən bir bölgəsində su rəngi, digər bölgələrdən əyani şəkildə fərqlidirsə;

Sanki bir kanal boyu davam edən bir-birinə qarışmış və nizamsız irəliləyən su görüntüsü mövcuddursa;

Nizamlı bir şəkildə dənizə doğru irəliləyən köpüklər olursa;

Sahilə doğru gələn dalğalarda pozğunluq və nizamsızlıq müşahidə olunursa; O bölgədə çəkən axın görmə təhlükəsi yüksəkdir.

Çəkən axına düşməmək üçün nələri etməliyik?

Dalğalı havalarda dənizə daxil olmamağa üstünlük verin.

Dənizə girmək üçün xilasetmə və tibb briqadası yerləşən sahil və çimərliklərə üstünlük verin.

Uşaqlarınızı dənizdə bir an belə gözlərinizdən ayırmayın

Özünüz və övladlarınız üçün dənizdə su səthində qalmağınızı təmin edəcək xilas etmə jileti, halqa və qolçaqlar kimi xilas etmələvazimatları alın.

Tək başınıza dənizə girməyin. Yanınızda xilasetmə ləvazimatları olan və yaxşı üzməyi bacaran bir nəfəri sahildə saxlayın.

Bəs çəkən axına düşdükdə nə edək ki, xilas ola bilək?

Çəkən axına düşdüyünüz təqdirdə əvvəlcə sakit olun. Axın sizi dibə çəkməz, sahildən açıqlığa doğru sürükləyəcəkdir. Sahilə doğru üzməyə çalışaraq özünüzü yormayın, axın qarşısında məğlub olacaqsınız. Axının sizi aparmasına bir müddət icazə verin. Axın zəifləyəndə sahilə yox, yanlara doğru üzərək axından xilas olun. Həmişə suyun üzərində qalmağa çalışın və əlinizi qaldıraraq kömək istəyin. (deyerler.org)

Mövzuya dair fotolar (Böyütmək üçün tıklayın)

Teqlər:

Bu xəbər cəmi 3615 dəfə oxunuldu