Saçlarını rəngləyən kişi müğənnilər- Xalq artistləri, əməkdarlar...

Deyirlər hər yaşın öz gözəlliyi var. Eləcə də ağ saçların. Böyük əksəriyyət bunu qəbul etsə də, bəziləri yaşın gətirdiyi qocalıqla barışmaq istəmir, cavan görünmək üçün müxtəlif üsullara əl atırlar. Xüsusilə də sənət adamları. Gözəl və yaraşıqlı görünmək üçün ağ saçlarını gizlədən və buna görə xınadan, saç boyalarından istifadə edən qadınları hamı başa düşür, onların bu hərəkətini anlayışla qarşılayırlar. 

Amma ağ saçlarını gizlətməyə çalışan kişilərə bərmənalı münasibət yoxdur. Xüsusilə də Azərbaycan cəmiyyətində. Azərbaycanın güclü cinsdən olan bir sıra sənət adamları var ki, uzun müddətdir saç rənglərindən istifadə edir. Onları qınayanlar da var, haqq qazandıranlar da. 

Onlar isə ”səhnə adamıyıq, özümüzə fikir verməliyik ki, tamaşaçılar, sevənlərinmiz bizi həmişə formada, yaraşıqlı görsünlər” deyə saç rəngindən istifadə etməklərinə haqq qazandırılar.

“Qafqazinfo”nun modern.az saytına istinadən məlumatına görə, bu gün Azərbaycan musiqi sənətində xeyli kişi müəğənni saçını rəngləyir. Onların arasında xalq artisləri, əməkdar artistlər də var.

Cavan və yaraşıqlı görünmək istəyən xalq artisti Səməd Səmədov uzun müddətdir saçına rəng qoyur. Müğənninin bu hərəkətinə etiraz edən həyat yoldaşı hətta bir müddət onunla küsülü də qalıb. 

Əməkdar artist Baloğlan Əşrəfov da saçını rəngləyir. Tamaşaçı onu ekranlardan, səhnədən həmişə qara gur saçlı biri olaraq görür. Müğənni buna pis baxanlarla razı deyil. O, plastik əməliyyat etdirən kişi ifaçıları qınayır, saçını rəngləyənlərisə yox.

Sənət aləmində Teymur əmi kimi tanınan Azərbaycanın xalq artisti Teymur Mustafayev yaşının çox olmasına baxmayaraq, saçını rəngləyən kişi müğənnilər sırasına daxildir. Həmişə deyib-gülən müğənni təsriri bağışlayan Teymur əmi yana daradığı seyrək saçlarına qara rəng qoyur.

Yaşının çox olmasına baxmayaraq bu müğənninin də qara, gur saçları diqqət çəkir. Söhbət xalq artistiMübariz Tağıyevdən gedir.

Əməkdar artist Cavanşir Məmmədov isə əvvəlcə başına tük əkdirib, daha sonra saçını rəngləməyə başlayıb. Müğənni onun bu şakərinə pis baxanlara özü pis pis baxır.

Elariz Məmmədoğlu da bi vaxtlar keçəl idi. Sonra başına tük əlkdirdi, ardınca da saçlarını rəngləməyə başladı.

"Buna görə kişini qınamaq olmaz” deyən tanınmış müğənni Manaf Ağayev də saçını rəngləyən sənət adamlarındandır.

Tamaşaçı müğənni Səyyad Əlizadəni də qara saçda görməyə adət edib. Çünki o da saçını rəngləyən kişi sənətçilər sırasına daxildir.