Məlumata görə, hazırda Fransada hakimiyyətdaxili qruplaşmanın maraqlarına uyğun şəkildə “videoserial”lar yayımlayan E.Abdullayevdə “Azərbaycan” qəzetinin baş redaktoru, millət vəkili Bəxtiyar Sadıxovun videosundan başqa, bir neçə millət vəkilinin də videosu var.
Məlumatda deyilir ki, E.Abdullayev bu millət vəkilləri ilə müəyyən mənada razılaşıb və indi həmin millət vəkilləri ona dolayısı ilə dəstək verirlər. Əks təqdirdə həmin millət vəkillərinin də E.Abdullayevin ABU-dakı iş otağında lentə alınan görüntüləri yayımlanacaq.
Məlumatda deyilir ki, E.Abdullayevdə təkcə millət vəkillərinin deyil, bəzi qəzetlərin baş redaktorlarının və onların yaxın qohumlarının da video görüntüləri var.
Bu millət vəkilləri və baş redaktorların kimliyi haqqında hər hansı bir məlumat verilmir.
Mənbənin sözlərinə görə, E.Abdullayev hətta vətəndaş cəmiyyəti təmsilçilərinin səslərini lentə aldıra bilib.