Görüşdən sonra keçirilən mətbuat konfransında E.Məmmədyarov deyib ki, təkbətək və geniş tərkibdə keçirilən müzakirələrdə əməkdaşlığın geniş spektri ətrafında fikir mübadiləsi aparılıb.
Nazir həmkarına Dağlıq Qarabağ münaqişəsi ilə bağlı məlumat verdiyini bildirib. Bundan başqa, tərəflər iqtisadiyyat, təhsil, turizm və enerji məsələlərinə toxunub.
E.Məmmədyarov deyib ki, hazırda Çexiyada 220 azərbaycanlı tələbə təhsil alır və qərara gəlinib ki, bu rəqəmi artırsınlar.
Görüşdə həmçinin viza problemlərinin aradan qaldırılması da müzakirə olunub.
Xüsusilə, iş adamları, turistlər, iş adamlarının səfərləri, viza maneələrinin həlli ətrafında fikir mübadiləsi aparılıb.
Nazirlər həmçinin Çex şirkətlərinin Azərbaycanda nəqliyyat layihələrində iştirakını müzakirə ediblər.
Çexiya XİN rəhbəri bildirib ki, iki ölkə arasında maraqlar genişdir.
Çexiya ilə yalnız siyasi, enerji, iqtisadi deyil, elm, təhsil, turizm, mədəniyyət sahəsində də əlaqələr var.
“Çox şadam ki, ikitərəfli əlaqələrimizi təhsil sahəsində davam etdiririk. İstəyirik ki, tələbələrin sayın artıraq. Çexiyada azərbaycanlı sərmayəçilər üçün yaxşı imkanlar var. Çexiya şirkətləri TANAP layihəsində iştirak etmək istəyirlər. Enerji sahəsi də işləməkdə maraqlı olan şirkətlər var. Eyni zamanda çex şirkətləri nəqliyyat, infrastruktur layihələrinə də maraq var”.
Nazir Azərbaycanın Çexiya üçün fövqəladə əhəmiyyətli bir ölkə olduğunu deyib.