Gəncə şəhərində yerləşən Azərbaycan Texnologiya Universitetində (AzTUn) yeni və ən müasir standartlara cavab verən idman sarayı istifadəyə verilib. Açılış mərasimində iştirak edən Gəncə şəhər İcra Hakimiyyətinin başçısı Elmar Vəliyev və şəhər ictimaiyyətinin nümayəndələri sarayda yaradılan şəraitlə yaxından tanış olublar. Məlumat verilib ki, burada futbol, voleybol, basketbol və tennis zalı, stolüstü oyunlar – şahmat və dama oyunları üçün ayrıca otaq yaradılmışdır ki, bu da universitet kollektivinin idmanın müxtəlif növləri ilə məşğul olmasına hərtərəfli imkan verəcəkdir.
İdman sarayı ilə tanış olanlar saraydakı trenajor zalı, soyunub geyinmə otaqları, həmçinin duşxana ilə də tanış olduqdan sonra bu ali təhsil müəssisəsində idmana göstərilən qayğını yüksək dəyərləndiriblər.