"Azadlıq" qəzetinə pul ayrılmadı

Bu gün Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib.







“Qafqazinfo” xəbər verir ki, iclasın gündəliyinə iki məsələ daxil edilib:



-2014-cü ilin 2-ci rübü üçün KİV layihələrinin maliyyələşdirilməsi ilə bağlı müsabiqəyə təqdim edilmiş layihə təkliflərinin müzakirəsi;



-Cari məsələlər.



İclası açıq elan edən Fondun Müşahidə Şurasının sədri Umud Mirzəyev gündəlkdə duran birinci məsələ barədə məlumat vermək üçün sözü Fondun icraçı direktoru Vüqar Səfərliyə verib. Vüqar Səfərli bildirib ki, "2014-cü ilin II rübü üçün KİV layihələrinin maliyyələşdirilməsi ilə bağlı müsabiqə”yə ümumilikdə 35 redaksiyadan layihə təklifi təqdim olunub. Təqdim edilmiş layihə təklifləri Fondun ekspertləri tərəfindən araşdırılıb. Layihə təkliflərinin araşdırılması ilə yanaşı, müsabiqənin tələblərindən irəli gələn digər sənədlər də yoxlanılmış, o cümlədən, qəzetlərin son üç ay üzrə tirajını, abunə və satışını əks etdirən hesabat hazırlanıb.



Hazırlanmış hesabatlar və layihə təklifləri müzakirə üçün Müşahidə Şurasının üzvlərinə təqdim edilmişdir. Vüqar Səfərli əlavə etmişdir ki, "Azadlıq" qəzetinin redaksiyası KİVDF Müşahidə Şurasının 30 dekabr 2013-cü il tarixli iclasında bu qəzetə qarşı irəli sürülən iradların aradan qaldırılmasına dair sənədləri Fondun katibliyinə təqdim edib, "2014-cü ilin II rübü üçün KİV layihələrinin maliyyələşdirilməsi ilə bağlı müsabiqə”yə qatılmaq istəyini ifadə edib.



Bundan sonra Müşahidə Şurasının üzvləri təqdim edilmiş sənədlər ətrafında müzakirələr aparıb. Şura üzvlərindən Əflatun Amaşov, Bəxtiyar Sadıqov, Vüqar Rəhimzadə, Müşfiq Ələsgərli, Rəşad Məcid, İntiqam Hümbətov çıxış edərək "Azadlıq" qəzetinin müsabiqədə iştirak etmək istəyi ilə bağlı fikirlərini bildirmişlər. Qeyd edilmişdir ki, Fondun Nizamnaməsinin 4.1.10-cu bəndində, layihələr üzrə müqavilə şərtlərini pozan kütləvi informasiya vasitələrinin 2 ilədək müddətə belə müsabiqələrdə iştirakdan məhrum edilməsi nəzərdə tutulmuşdur. Lakin, "Azadlıq" qəzetinin göstərilən iradları aradan qaldırdığını bildirməsini nəzərə alaraq, onun müsabiqədə iştirakı məsələsinə yenidən baxılması mümkündür.



Müşahidə Şurası müzakirələrin nəticəsi olaraq, "Azadlıq" qəzetinin monitorinq edilməsi və redaksiyanın təqdim etdiyi sənədlərin araşdırılması üçün Şura üzvləri Bəxtiyar Sadıqov, Vüqar Rəhimzadə və Müşfiq Ələsgərlidən ibarət İşçi qrupunun yaradılması barədə qərar qəbul etmişdir. İşçi qrupun hazırlayacağı rəyə əsasən, növbəti müsabiqə dövründə "Azadlıq" qəzetinin müsabiqədə iştirakı barədə qərar veriləcək.



Müzakirələri davam etdirən Şura üzvləri müsabiqəyə təqdim edilmiş layihə təkliflərinin araşdırılmasının yekunu olaraq, qəzetlərin dövriyyəsini, tirajını və yayımını nəzərə alaraq, 34 redaksiyanın layihə təkliflərinin maliyyələşdirilməsi barədə qərar qəbul edib.



Cari məsələlər bölümündə Azərbaycan Respublikası Prezidentinin sərəncamı ilə jurnalistlər üçün inşa edilən yeni binanın tikintisinin gedişi barədə dinləmələr keçirilib.

2014-cü ilin II rübü üçün layihələrinin maliyyələşdirilməsi nəzərdə tutulan redaksiyaların siyahısı aşağıda təqdim edilir.



2014-cü ilin II rübü üçün KİV layihələrinin maliyyələşdirilməsi üzrə müsabiqənin qalibi olan redaksiyaların siyahısı:



№

Qəzetin Adı

Ayrılan məbləğ



1.

"Kaspi” qəzeti

30000



2.

"Mövqe” qəzeti

30 000



3.

"Yeni Azərbaycan” qəzeti

30 000



4.

"Ayna-Zerkalo” qəzeti

30 000



5.

"Ədalət” qəzeti

30 000



6.

"525-ci qəzet” qəzeti

30 000



7.

"Səs” qəzeti

30 000



8.

"Bakı-Xəbər” qəzeti

30 000



9.

"Yeni Müsavat” qəzeti

30 000



10.

"Olaylar” qəzeti

30 000



11.

"Ekspress” qəzeti

30 000



12.

"Palitra” qəzeti

30 000



13.

"Paralel” qəzeti

20 000



14.

"Həftə İçi” qəzeti

20 000



15.

"Azad Azərbaycan” qəzeti

20 000



16.

"Şərq” qəzeti

20 000



17.

"Xalq Cəbhəsi” qəzeti

20 000



18.

"Futbol+Qol” qəzeti

20 000



19.

"Bizim Yol” qəzeti

20 000



20.

"Zaman-Azərbaycan” qəzeti

20 000



21.

"Kaspi rus” qəzeti

20 000



22.

"Novoye Vremya” qəzeti

15 000



23.

"Futbol+” qəzeti

15 000



24.

"Üç Nöqtə” qəzeti

15 000



25.

"Unikal” qəzeti

10 000



26.

"Olimpiya Dünyası”qəzeti

10 000



27.

"Azernews” qəzeti

10 000



28.

"Oxu Məni” qəzeti

10 000



29.

"Reytinq” qəzeti

5 000



30.

"Təhsil Problemləri” qəzeti

4 500



31.

"The Business Times” qəzeti

4 500



32.

"Hərbi And” qəzeti

4 500



33.

"Türküstan” qəzeti

4 500



34.

"İqtisadiyyat” qəzeti

4 500