Dünən prezident İlham Əliyevin sərəncamı ilə vəzifəsindən azad olunmuş Prezident administrasiyasının şöbə müdiri Elnur Aslanovun nəzarətində olan bütün saytlar əlindən alınır.
Avropa.info-nun əldə etdiyi məlumata görə, sabiq şöbə müdirinin kurasiyasında olunan azərbaycan dilli saytlar Prezident administrasiyasının ictimai-siyasi şöbəsinin müdiri Əli Həsənovun nəzarətinə veriləcək. Keçmiş şöbə müdirinin nəzarətində olan rusdilli 1news.az saytı və Baku Post qəzeti isə rəhbərlik etmək üçün Trend informasiya agentliyinin rəhbəri İlqar Hüseynova veriləcək. Bütövlükdə isə eks şöbə müdirinin kurasiyasında olan bütün mətbuat orqanlarına Əli Həsənov nəzarət edəcək.
Xatırladaq ki, Elnur Aslanov dünən prezident İlham Əliyevin sərəncamı ilə vəzifəsindən azad edilib. Bundan əvvəl isə ölkə mətbuatında o, Fətullah Gülənin rəhbərlik etdiyi "hizmət" hərəkatı ilə yaxınlıqda ittiham edilirdi.