İfaçı öz qrupunun – “Elchin Shirinov Trio”nun tərkibində çıxış edəcək.
Bassda Elcan Cəbrayılov, zərb alətlərində isə Elvin Bəşirov ifa edəcək.
Konsert 19:00-da başlanır.
Biletlər şəhərin mərkəzi kassalarında satılır.
Qeyd edək ki, 1982-ci il təvəllüdlü Elçin Şirinov musiqi təhsili almasa da, Vaqif Sadıxov, Aaron Qoldberq, Kevin Heys, Yakov Okun kimi caz pianoçularından öyrənib. Musiqi texnikası sahəsində bacarıqlarını inkişaf etdirmək üçün o, öz sevimli musiqiçilərinin – Bill Evans, Herbi Henkok, Bred Meldaunun ifasına müraciət edib.
E.Şirinov 2008-ci ildən Bakı Caz Mərkəzi ilə əməkdaşlıq edir. 2009-cu ildə Zərb Alətləri İfaçılarının 6-cı Bakı Festivalına iştirak edib. Rain Sultanovun kvartetinin tərkibində isə Azərbaycanda, Gürcüstanda, Malayziyada çıxışları olub.
E.Şirinov 2010, 2011 və 2012-ci ildə öz qrupu ilə birgə Bakı Caz Festivalında iştirak edib. 2010-cu və 2013-cü illərdə Polşada keçirilən “Voicingers” festivalında çıxış edib.
Fransada, İsveçrədə, Almaniyada Sevda Ələkbərzadənin qrupunun tərkibində, o cümlədən, Montrödə (2013-cü il) keçirilən caz festivalında məharətini göstərib.