Layihənin müəllifi AGAT-ın idarə heyyətinin üzvü Səbinə Əsəddir. Layihənin əsas məqsədi insanların təkrar istehsal ilə bağlı maariflənməsinə və cəmiyyətdə mövcud qida israfının qarşısınının alınmasıdır. Ən çox qida israfı restoranlarda mövcud olduğundan ilkin hədəf qrupu da məhz restoranlardır. Beləki, qida qalıqları restoranlardan qruplaşmış şəkildə götürülərək kənd təsərüfatı müəssisələrinə Kompost hazırlanması üçün göndəriləcəkdir. Kompost isə çürüntülərdən alınan torpağın minerallarla zənginləşməsi üçün istifadə olunan gübrədir.
26 noyabr tarixindən layihənin birinci mərhələsinə star verilib. Azeri House, Mübarək, Bakı Əyləncə Mərkəzi, Lido və bu kimi digər restoranlarla təlim xarakterli görüşlər keçirilmiş, onlara kompostun yararlarından, qida qalıqlarını topladıqda təbiət və cəmiyyətin qazanacağı mənfəətdən, mövcud israfın qarşısın qısa zaman kəsiyində alınması kimi mövzulardan AGAT üzvü Vüsalə Rəhimova təlim keçmişdir.
Layihənin 2-ci hissəsində isə qida qaliqları toplanılaraq kompost hazırlanması üçün xüsusi şəraiti olan müəssisəyə aparılacaq. Qeyd edək ki, layihə üzrə baş koordinator AGAT üzvü Orxan Rəhimzadədir.