“Hidroböhran, hidromünaqişələr və hidrostrategiya” kitabının təqdimatı olub

Bu gün Azərbaycan Respublikası Prezidenti yanında Strateji Araşdırmalar Mərkəzi (SAM) və AMEA-nın akademik Həsən Əliyev adına Coğrafiya İnstitutu tərəfindən SAM əməkdaşı Araz Qurbanovun “Hidroböhran, hidromünaqişələr və hidrostrategiya” kitabının təqdimat mərasimi olub.

Moderatorluğunu SAM-ın direktoru Fərhad Məmmədovun edəcəyi dəyirmi masada çıxış edən SAM direktoru bildirib ki, bu istiqamət çox maraqlıdır, çünki su Azərbaycanın strateji maraqlarına və hədəflərinə təsir edən amillərdən biridir.

 

Onun sözlərinə görə, su məsələsi hər zaman Azərbaycan üçün aktual olub. F.Məmmədov ölkəmizin su ehtiyatlarının Cənubi Qafqazda ən aşağı səviyyədə olduğunu vurğulayıb.



“Azərbaycanın gələcək inkişafını nəzərə alsaq, bu məsələyə strateji baxışın formalaşdırılması vacibdir. Su hüquqi, siyasi, iqtisadi məsələdir. Bu istiqamətdə dünya təcrübəsinin öyrənilməsi vacibdir. Eyni zamanda Azərbaycanın su strategiyasının formalaşdırılmasında dövlət qurumları ilə yanaşı vətəndaş cəmiyyəti də öz töhfəsini verməlidir” - SAM direktoru deyib.



F.Məmmədov 1 litr təmiz suyun qiymətinin benzindən baha olduğumu xatırladıb. Əlavə edib ki, təqdim olunan kitab böyük tədqiqatın nəticəsidir və daim bu mövzu diqqətdə saxlanılacaq.



AMEA-nın müxbir üzvü, professor, akademik Həsən Əliyev adına Coğrafiya İnstitutunun direktoru Ramiz Məmmədov kitabın əhəmiyyətindən danışıb. O, Azərbaycanın su ehtiyatlarının qonşu ölkələrə nisbətən az olduğunu, amma vəziyyətin o qədər də böhranlı olmadığını deyib.



Prezident Administrasiyasının əməkdaşı Ərəstu Həbibbəyli suyun geosiyasi faktor olduğunu bildirib.  



Kitabla bağlı danışan PA təmsilçisi deyib ki, Ermənistanın Azərbaycana qarşı həyata keçirdiyi ekoloji, su təcavüzü ətraflı şəkildə əksini tapıb.



Beynəlxalq təşkilatlara bununla bağlı faktların təqdim olunmasına baxmayaraq, təəssüf ki, hələ də adekvat reaksiya verilməyib.



Tədbirdə müzakirə edilən mövzulardan biri də Ermənistanın transsərhəd su ehtiyatlarını Azərbaycana qarşı geosiyasi təzyiq vasitəsinə çevirmək siyasəti və işğal altındakı ərazilərdəki hidrotexniki qurğulardan Azərbaycana qarşı hidrodiversiya və terror aktları törətmək niyyətləri ilə bağlı olub.



Müzakirə edilən mövzulardan biri də Ermənistan Respublikasının transsərhəd su ehtiyatlarını Azərbaycana qarşı geosiyasi təzyiq vasitəsinə çevirmək siyasəti və işğal altındakı ərazilərdəki hidrotexniki qurğulardan Azərbaycana qarşı hidrodiversiya və terror aktları törətmək niyyətləri olacaq.



Çıxışlarda SAM və AMEA Coğrafiya İnstitutunun təşkilatçılığı ilə 2013-cü ilin noyabr ayında bu məsələyə dair elmi-praktiki konfransın keçirilməsi təklif olunub.