Teleqraf.com-a müsahibəsində Klassik Xalq Cəbhəsi Partiyasının (KXCP) sədri Mirmahmud Mirəlioğlu deyib. Partiya sədri bildirib ki, Pənah Hüseynin işlətdiyi bu ifadənin müəyyən bir dövr üçün qüvvəsi var.
M. Mirəlioğlu “Əgər sizin vahid namizədiniz Rusiya prezidentindən asılı vəziyyətə düşübsə, həmin ölkə bu imkandan Azərbaycana qarşı istifadə edə bilməzmi?” sualına belə cavab verib. “Əlbəttə, Azərbaycana qarşı istifadə edə bilməz. Çünki biz hələ ölməmişik. Milli dəyərlərə sahib çıxan kifayət qədər insanımız var. Milli Şura kiminsə istəyi ilə dövlətçilik, müstəqillik əleyhinə çevrilə bilməz. Əgər çevrilsə, belə təhlükə olsa, hər kəs indidən özünün görə biləcəyi işləri gözaltına alsın. Bu işlərdən biri də odur ki, ölüb-öldürməyə də haqqımız var. Canımızla, qanımızla, şəhidlərimiz hesabına əldə etdiyimiz müstəqilliyə heç kim qarşı ola bilməz. Olanlar isə qarşılarında bizi görəcəklər. Yalnız bizim yoxluğumuzdan sonra nəsə edə bilərlər”.