İlqar Abbasov sakinləri evsiz qoyacaq- Suraxanıdan reportaj-Fotolar

Suraxanı  rayonu  İcra hakimiyyətinin başçısı  Suraxanı  rayonu, Hövsan qəsəbəsi,  Rüfət Allahverdiyev küçəsi  24-də  yerləşən  yataqxanada yaşayan sakinləri evsiz qoymaq istəyir.

Yenimeydan.info xəbər verir ki,Milletinsesi.az-a bu barədə yataqxana  sakinləri məlumat verib. Məlumata  görə,  İcra hakimiyyəti  yataqxanada yaşayan hər bir ailə başçısına 35 min manat verərək , evdən çıxarır . Yataqxanada  həm bir otaqlı , həm də iki otaqlı evlər var. İcra hakimiyyəti  iki otaqlı mənzillərdə  yaşayan  ailələrin böyüklüyünü, yaşayış sahəsinin  artıqlığını nəzərə almır  və fərq qoymadan hər bir ailəyə eyni məbləği təklif edir.  Ən dəhşətlisi  odur ki, binanın sakinləri  evlərini  tam tərk etməmiş , binada olan otaqların  söküntüsünə başlamışdır. Bu yolla İcra Hakimiyyəti   vətəndaşlara təzyiq göstərərək,  ikiotaqlı evlərin sahiblərini də bir otaqlı sakinlərə verilən qiymətlərlə  razılaşdırmağa məcbur edir. Sakinlərin bir neçəsi etiraz əlaməti olaraq  özünü yandırmağa da cəhd göstərib. Etirazlara məhəl qoymayan  Suraxanı  rayon  İcra hakimiyyətininin başçısı İlqar Abbasov  diktə etdiyi qiymətlərlə vətəndaşları evlərini tərk etməyə məcbur etməkdə israrlıdır.

Qeyd edək ki, Azərbaycan Respublikası Prezidentinin” Azərbaycan Respublikasının Şəhərsalma və Tikinti Məcəlləsinin təsdiq edilməsi, qüvvəyə minməsi və bununla bağlı hüquqi tənzimlənmə haqqında”  Azərbaycan Respublikasının 2012-ci il 4 sentyabr tarixli  Fərmanının 1.8-ci  bəndinə əsasən Bakı Şəhəri ərazisində abadlıq-quruculuq işlərinin davam etdirilməsi, qəzalı vəziyyətdə olan binaların sökülərək , yerində  müasir tələblərə  uyğun yenilərinin  tikilməsi və qəzalı vəziyyətdə olan binalarda yaşayan sakinlərin mənzil-məişət şəraitinin yaxşılaşdırılması nəzərdə tutulmuşdur. 

Adı çəkilən yataqxana da  qəzalı vəziyyətdə olduğu üçün Prezidentin bu fərmanına uyğun olaraq  sökülməlidir. Lakin icra hakimiyyəti fərmanda qeyd edilən” vətəndaşların mənzil-məişət şəraitinin yaxşılaşdırılması haqqındakı” bəndi kobud surətdə pozur  və sakinləri  özlərinin diktə etdiyi qiymətlərə razılaşmağa məcbur edir.

"Əsrin Yaddaşı"nın əməkdaşının  yutuba yüklədiyi yataqxana sakinləri ilə söhbətindən hazırladığı videoreportajdan da görünürdü ki,  sakinlər icra hakimiyyətinin qərarından narazıdırlar. Lakin videonu  sonradan sildilrdilər.

frame allowfullscreen="allowfullscreen" height="314" src="http://www.youtube.com/embed/fzVc0mLd76E" style="margin: 10px 15px 5px 0px; padding: 0px;" width="560">

İcra hakimiyyəti yataqxanada yaşayan sakinlərin işıqlarını kəsir, evlərini tərk etmiş sakinlərə məxsus birotaqlı  evlərdə digər ikiotaqlı mənzillərdə yaşayış ola-ola söküntülərə başlayır ki, vətəndaşların yaşayışı  dözülməz həddə çatsın və onlar da evlərini dəyər-dəyməzə razılaşsın.

Qarşı tərəfin mövqeyini dərc etməyə hazırıq..

Mövzunu davam etdirəcəyik.