Sabirabad Rayon Mərkəzi Xəstəxanasında özbaşınalıq

Son zamanlar Səhiyyə sistemində yaranan boşluqlar haqqında geniş tənqidi məqalələr dərc etmişik. Lakin bəzi rayon xəstəxanalarının baş həkimləri “Krişa” hesabına məsuliyyətdən yaxa qutarmağı bacxarırlar.Elələri də var ki,”Çəkişməsəm bərkiməz” prinsipi ilə qeyd etdiyimiz nöqsanlardan ibrət çıxararaq özlərini baş həkim kimi hiss edirlər.Sabirabad rayon mərkəzi xəstəxanasından verilən məlumata görə baş həkim Əziz Mikaylov “Şəxsi”qanunlarını rəhbər olduğu xəstəxanada tətbiq etmişdir.Belə ki, Əziz Mikaylov xəstəxananı öz şəxsi obyekti kimi rayonda tanıtdirmışdir.Deyilənə görə mərkəzi xəstəxananın palataları iki hissəyə bölünmüşdür.İmkanlı və imkansızlar üçün palatalar.Xəstəxanaya müraciət edən xəstələr “Analiz” edildikdən sonra palataya yerləşdirilir.İmkanlı xəstələr öz şəxsi hesablarına müalicə alırlar.Palata isə “Avropa standartlarına” tam cavab verir. İmkansız xəstələr elə bir patalarda yerləşdirilir ki, həmən palatadan söhbət etməyə dəyməz.Başqa bir məlumatda deyilir ki,dövlət tərəfindən nəzərdə tutulan vərəm,şəkər və bu kimi xəstəliklər üçün dərman ləvazimatları təmənnasız xəstələrin müalicəsi üçün nəzərdə tutmuşdur.Amma dövlətin qanunlarını saya-saymayan xəstəxananın baş həkimi Əziz Mikaylov dövlət vəsaitni mənimsəməklə yanaşı dövlətimiz tərəfindən təmənnasız ayrılmış dərman ləvazimatlarını öz şəxsi aptekində satdırır.Bütün bunlara etiraz edən xəstələr baş həkimin göstərişi ilə həkimlər tərəfindən dözülməz hallarla qarşılaşırlar.Rayon icra hakimiyyətindən verilən məlumata görə Əziz Mikaylov əvvəllər Regional Tibbi Sosil Ekspertiziya Komissyasında həkim işləmişdir.Özünü “toparlayıb” küllü miqdarda verilən pullar hesabına Sabirabad rayon Mərkəzi xəstəxanasının baş həkim vəzifəsini “zəbt” etmişdir.Verilən pulları geri qaytarmaq eşqilə Əziz həkim bütün vasitələrdən istifadə edir.Hətda iş o yerə gəlib çatmışdır ki,tibb bacılarından 30-40 manat,həkimlərdən isə 50-100 manat məbləğində aylıq baş həkimə ödənilməlidir.Əks təqdirdə qanuna tabe olmayan həkimlər bəhanələrlə sıxışdırılır. Faktla bağlı rayonda araşdırma aparılarkən əməkdaşımıza belə bir məlumat daxil olmuşdur ki,Əziz Mikaylovun rayonda Səhiyyə sistemində qurduğu bazar qanunlarına Sabirabad rayon icra hakimiyyətinin başçısı Nazim İsmayılov müdaxilə etmək iqtidarında deyil. Redaksiyamıza daha bir şikayət məktubu daxil oldu.Məktubun məzmununu qısa da olsa nəzərinizə çatdırırıq ki,rayon sakinləri Bakı şəhərinə gələrək dövlət başçısı İlham Əliyevlə görüşmək məcburiyyətindədirlər.KİV-nın qanunlarını nəzərə alaraq şikayət məktubunu araşdırılmasını vacib bildik.Dəfələrlə baş həkim Əziz Mikaylov ilə telefon əlaqəsi yaratmağa çalışsaqda əfsuslar olsun ki,telefon zənglərimizə cavab verilmədi.Növbəti saylarımızda bu və ya digər faktlarla bağlı Səhiyyə Nazirliyinə müraciət hazırlayacağıq.Və eyni zamanda qəzetimizdə baş həkim Əziz Mikaylovun mövqeyini dərc etməyə hazırıq.Mövzuya yenidən qayıdacağıq.Bizi izləyin