Qaragünlü camaat və Alı Alıyevin «nağıllar dünyası»-Füzulidə

İcra başçısı hər həftənin 2-ci gününü «Aldatdı günü» elan edib, rayondakı aksiyaların iki müavin və bir idarə müdiri tərəfindən təşkil edildiyi üzə çıxıb

Füzuli camaatı 1993-cü ildə öz elindən, obasından didərgin düşəndən sonra ölkənin hər yerində özlərinə sığınacaq qurdular. Həmin vaxt ümid edirdilər ki, tezliklə geri qayıdacaqlar. Biləsuvarın yandırıcı çöllərində yaşadıqda belə bu ümidlərini itirmədilər. Amma…

Qaragünlü camaat və Alı Alıyevin «nağıllar dünyası»

Bu gün Füzuli camaatı həqiqətən də qaragünlüdür. Ona görə ki, nə ümid etdikləri torpaqlara geri dönə bilirlər, nə də icra başçısından canlarını qurtara bilirlər. Alı Alıyevin mənasız çıxışları, yalan vədlərindən bezən insanlar nə edəcəklərini də bilmirlər. Edilən şikayətlərə də baxan olmadıqda ümidləri də ölür.



Sahibkarlar rayondan niyə qaçır?



Füzulidən olan iş adamları Prezidentin son çağırışından sonra istər Bakıda, istərsə də rayonda məcburi köçkün düşmüş insanlar üçün yeni iş yerləri yaratmağa başladılar. Qısa müddətdə rayonda yüzlərlə yeni iş yerləri açıldı, bir o qədər də istehsal və xidmət sahələri açıldı.



Lakin durumun ağırlığı ondaydı ki, sahibkarlar onları qarşıda gözləyən bəlanın nə olduğunu bilmirdilər. Çox keçmədi ki, Füzulinin icra başçısı Alı Alıyevin «dəstur»ları, «tapşırıqları» sahibkarlara çatdırılmağa başladı. «Əlahəzrət»in fərman və fərmayişlərini yerinə yetirməyən iş adamları isə başlarına açılan oyunlardan sonra qaçmağa başladılar. Və dünənə qədər onlarla iş yeri açmış iş adamları obyektlərinə qıfıl vuraraq, Bakıya dönmək məcburiyyətində qaldılar.

Dəqiqləşdirmələrimizə görə, rayonda fəaliyyət göstərən ən kiçik marketdən tutmuş, dükana qədər hər birinin sahibi icra başçısına ayda 10 manat pul verməlidir. Böyük dükanlar üçün nəzərdə tutulmuş qiymət isə bir başqadır.

Həmçinin onu da bildirək ki, Füzuli əhlinin əksər nümayəndəsi rayondakı obyektlərinin bağlanması səbəbindən iş dalıyca Bakıya üz tutublar. Onların arasında kredit götürüb, iş görənlər də var imiş ki, hazırda pulu qaytara bilmədiklərindən əziyyət çəkirlər.

İndi həmin sahibkarların ən böyük arzusu budur ki, dövlət başçısıyla görüşüb, dərdlərini ona desinlər. Desinlər ki, ermənilər onları torpaqlarından qovdular, Alı Alıyev isə Vətəndən qovmağı qarşısına məqsəd qoyub.



Nə gündəsən, Alıyev?



Politika.Az xəbər verir ki, Füzulinin icra başçısı o qədər aciz və darkönüllü biridir ki, hətta kiçik işlərdən ötrü qadağalar tətbiq edir, qaydalar qoyur. Pul həvəskarı olan Alı Alıyevin sonuncu belə göstərişi isə şadlıq sarayı ilə bağlıdır.

Qaragünlü camaat və Alı Alıyevin «nağıllar dünyası»

Belə ki, Alıyevin birinci müavini olan Bağır Aslanovun şəxsi restoranı, həm də şadlıq sarayında bütün xeyir işləri görmək şərtdir. Füzulidən olan bütün məmurların birbaşa vəzifələridir ki, həmin şadlıq sarayında toy etsinlər. Əks təqdirdə, «cızığından çıxmış» məmuru bir toyun xərci qədər zərərə salarlar.



Hədyanın son həddi: «2 milyona orden almışam»



Alı Alıyev o qədər cəsarətli və qorxmaz adamdır ki, hətta onu icra başçısı təyin edən Prezident əleyhinə hədyan da danışa bilir. Bu cəsarəti o haradan və necə alır, deyə bilmərik. Sadəcə, onu deyə bilərik ki, Alıyev hər yerdə açıq şəkildə bəyan edir ki, o, «Şöhrət» ordenini almaq üçün 2 milyon manat xərc çəkib. Daha sonra isə deyir ki, o, «Şöhrət» ordenini ona görə alıb ki, Füzuli camaatına sübut eləsin ki, hakimiyyət onu dəstəkləyir, şöhrətləndirir.

Qaragünlü camaat və Alı Alıyevin «nağıllar dünyası»

Məlumdur ki, «Şöhrət» ordenini Prezident verir və bu, onun müstəsna səlahiyyətində olan məsələdir. Həmin ordeni rüşvətlə, pulla almaq mümkün deyil. Ola bilər ki, dövlət başçısı etimad göstərib, ürək qızdırıb ona belə bir mükafat verib. Amma Alı Alıyev o qədər hədyan danışıb ki, guya, 2 milyon manat xərc çəkib, orden alıb. Bunu açıq şəkildə deyirsə, bu o deməkdir ki, Füzulinin icra başçısı artıq bütün əndazələri də aşıb. Və dövlət başçısına belə dil uzatmaqdan çəkinmir.

Qaragünlü camaat və Alı Alıyevin «nağıllar dünyası»

Camaat isə təəccüb edir ki, Alıyevin hansı xidmətlərinə görə, orden veriblər. Onların sözü budur ki, icra başçısı həqiqətən də hakimiyyətin etimadını qazanıbsa, o zaman rayon əhlinə niyə bu qədər zülm verir?



Adı işdə olub, özü bir dəfə də işdə olmayan oğul



Alı Alıyevin işləri həddindən artıq çoxdur. Adam haradan başlayıb, harada bitirəcəyini də bilmir. Politika.Az rayondakı mənbələrə istinadən xəbər verir ki, Füzuli Polis Şöbəsinin bir işçisi də Alıyevin oğlu Elvindir. Vaxtıyla döyüşlərdə iştirak etmiş, indi isə polisdə işləyib, bütün səylərinə baxmayaraq, vəzifə və rütbə ala bilməyən veteranlar deyirlər ki, icra başçısının oğlu göstərmədiyi xidmətlərinə görə, xeyli qabağa çəkilib. Ona əlavə üstünlük və imtiyaz tanıyıblar.

Qaragünlü camaat və Alı Alıyevin «nağıllar dünyası»

Veteranlar deyirlər ki, onlar döyüşəndə Alı Alıyevin oğlu hansısa ölkə qızlarla eyş-işrət içindəydi. Amma bu gün o, adı işdə getsə də, özü Füzuli Polis Şöbəsinin harada yerləşdiyini belə bilmir. Çünki işə bircə dəfə də olsun gəlməyib.

Qaragünlü camaat və Alı Alıyevin «nağıllar dünyası»

Məlumatlara görə, Alıyevin oğlu ümumiyyətlə, Bakıda yaşayır. Və atasının puluna aldığı «Gallenvagen» markalı maşınıyla küçələrdə şütüyür. Onun işi-gücü, hər gün qızlarla gəzib, tozmaqdır. Bir gününə 300 manat verdiyi qızla sabahı gün görüşməyən və bunu özünə «zapadlo» hesab edən icra başçısının oğlunun cənab nazir tərəfindən təltif edilməsi həqiqətən də ədalətsizlik sayılmalıdır.

Qaragünlü camaat və Alı Alıyevin «nağıllar dünyası»

Özü də işdə olmayan, iş yerinin ünvanını bilməyən, üstəlik Füzulidən yalnız ona mükafatın verilməsi haqsızlıq qəbul edilir.



İcra başçısının «aldatdı günü»



Alı Alıyevin «icad»ları da həddindən artıq çoxdur. Bütün dünyada aprelin 1-i aldatdı günü olaraq qəbul edilir. Füzuli rayonunda isə bu tarix hər həftə təkrarlanır. Çünki icra başçısı hər həftənin 2-ci gününü «Aldatdı günü» olaraq qeyd edir və etdirir.

Qaragünlü camaat və Alı Alıyevin «nağıllar dünyası»

Belə ki, hər həftənin məlum günü Füzuli İcra Hakimiyyətində Alı Alıyevin qəbul günüdür. Vətəndaşları bir-bir qəbul edib, onlara «müdrikcəsinə» qulaq asan icra başçısı, axırda elə bir nağıl danışır ki, hətta «1001 gecə»dəki nağıllar olur yalan. Ona görə ki, «həşəmətli» icra başçısının yalanlarını bir-birinin ardına düzmək mümkün olarsa, Ekivator xəttini ən azı 4 dəfə kəsmək olar.

Qaragünlü camaat və Alı Alıyevin «nağıllar dünyası»

Amma «1001 gecə» nağıllarından fərqli olaraq, Alı Alıyev daha çox jarqonla danışır. Məsələn, bu adam Prezidentin Ehtiyat Fonduna «Prezidentin katyolu», büdcəyə də «obşiy kotyol» deyir. Sizcə, bu dildə danışan bir adam bir rayonu necə idarə edər?



Prezident açılış etdi, Alıyev qapısına qıfıl vurdurdu



Füzuli rayonunda işsizliyi aradan qaldırmaq üçün bir sıra obyektlərin açıldığı elə axtarış sistemlərindən də məlum olur. Bəlli olur ki, rayonda qısa müddətdə istehsal sahələri yaradılıb və onların bir çoxunun açılışında isə dövlət başçısı şəxsən iştirak edib. Amma sonradan məlum olur ki, bütün bunların hamısı Alı Alıyevin qurduğu oyunun bir parçasıdır.

Qaragünlü camaat və Alı Alıyevin «nağıllar dünyası»

Belə ki, Prezidentin açılışını etdiyi Trikotaj Fabriki elə açılışın günü də bağlanıb. Daha doğrusu, dövlət başçısının açılışından sonra fabrikin qapısına yekə bir qıfıl vuran Alıyev orada işləməli olan adamlara da deyib ki, ümidlənməsinlər. Çünki nə iş yeri var, nə də iş. Həmin tikiş fabriki elə icra başçısının özünün olub ki,

Qaragünlü camaat və Alı Alıyevin «nağıllar dünyası»

Alıyev özünə də rəhm etməyib. Daha doğrusu, füzulilərin orada işləməsini istəməyib.



Şakiri şikar edən icra başçısı



Füzuli rayonunda olarkən bu ilin yanvarında keçirilmiş aksiya ilə bağlı inanılmaz məlumatlar da əldə etmişik. Politika.Az xəbər verir ki, araşdırmalar zamanı məlum olub ki, aksiyalara görə, həbs olunmuş Şakir Hacıyevin heç bir günahı yox imiş. Bu da Alı Alıyevin qurduğu oyunun bir parçasıdır.

Qaragünlü camaat və Alı Alıyevin «nağıllar dünyası»

Qeyd edək ki, Şakir Hacıyev aksiyalar keçirilən gün ümumiyyətlə, rayonda olmayıb. Bakıda olduğu halda Alıyev onun üzərinə buş əri atıb ki, gələcəyini də təmin etsin. Çünki Şakir Hacıyevin Füzulinin icra başçısı olmaq niyyəti varmış və bundan da icra başçısı xəbər tutduqdan sonra düşmən kəsilib ona.

Qaragünlü camaat və Alı Alıyevin «nağıllar dünyası»

İşin ən qəribə tərəfi isə odur ki, aksiyanın əsl təşkilatçıları həqiqətən də elə Alı Alıyevin iki müavini və Subartezian Quyularının İstismarı İdarəsinin müdirinin qohum-əqrabasıymış. Hətta idarə müdirinin bacısının oğlu aksiyaya qatıldığı üçün 20 sutka həbs cəzası alıb.

Qaragünlü camaat və Alı Alıyevin «nağıllar dünyası»

Maraqlıdır ki, Şakir Hüseynovun 2 yeznəsi «qaynatasının əsaslandırılmamış əməlinə» görə, işdən çıxarılıb. Amma günahı sübut edilmiş, etirazçılara yol göstərən, təxribatçılıqla məşğul olan birinin dayısı Subartezian Quyularının İstismarı İdarəsinin müdiridir, lakin ona kimsə bir söz demir.



Camaatın üstünə polislə gedən adam



Alı Alıyev rayon camaatına hansı zərərləri verdiyini yaxşı bilir. Elə bu səbəbdəndir ki, icra başçısı əhaliylə görüşə polis dəstəsi və polis rəisi ilə birlikdə gedir. Yaxşı bilir ki, təkbaşına vəya müavinləriylə bu addımı atarsa, yaxası camaatın əlində qalar.

Qaragünlü camaat və Alı Alıyevin «nağıllar dünyası»

Camaat da bunu yaxşı bilir ki, Füzulinin icra başçısı onlardan qorxur və maksimum dərəcədə bu qorxunun daha da canına işləməsinə çalışırlar. Çünki onun qarşısından azca qaçarlarsa, Alıyevin onların anadan əmdikləri südü burnundan tökər.



Əhmədzadəyə «bir quş», yaşasın Bahar Muradova



Politika.Az onu da dəqiqləşdirib ki, Alı Alıyevin əməlləri sayəsində təkcə sahibkarların obyektləri bağlanmayıb, həm də dünya ilə vidalaşmalı olublar. Məsələn, tikdirdiyi obyektinin qapısına qıfıl vurdurulan sahibkarlardan bir neçəsi düşdükləri borc və başqa səbəblərdən ürəktutmasından dünyasını dəyişiblər.

Hətta Alı Alıyevin bu əməllərindən xəbər tutan keçmiş «krişası» Əhməd Əhmədzadə şoka düşüb. Meliorasiya və Su Təsərrüfatı ASC-nin rəhbəri təcili olaraq Prezident Admnistrasiyasına gedərək, orada ilgili adamlarla görüşüb və Alı Alıyevin artıq onun adamı olmadığını dilə gətirib və ondan imtina edib.

Qaragünlü camaat və Alı Alıyevin «nağıllar dünyası»

Bundan sonra narahat olan Füzulinin icra başçısı təcili özünə himayəçi axtarmağa başlayıb. Qısa müddətdən sonra isə hədəfinə çatmaq üçün əsas vasitələrdən birini tapıb. Məlum olub ki, Alı Alıyev vitse-spiker Bahar Muradovanın qanadları altına sığınmağa çalışır. Elə bu səbəbdəndir ki, bütün tədbirlərdə Bhar xanım deyib, başqa bir söz demir. Camaata xox gəlmək üçün onu da deyir ki, guya, xanım deputat ona deyir ki, kimsədən çəkinməsin, şikayət edənlərə də əhəmiyyət verməsin.



Ağbirçək ananın arzusu



Politika.Az xəbər verir ki, Alı Alıyevin etdiyi zülümlərə dözməyən camaat günün birində etiraza qalxarsa, burada qətiyyən təəccüblənmək lazım deyil. Ona görə ki, Füzulinin icra başçısı çıxmadığı oyun qalmadığından başına gələcəklərini də yaxşı anlayır.

Qaragünlü camaat və Alı Alıyevin «nağıllar dünyası»

Amma qarşımıza çıxan yaşlı nənənin arzusunu eşitdikdən sonra lap təəccüb etdik. Belə ki, ağbirçək ana icra başçısı dəyişən kimi qurban kəsəcəyini vurğuladı. «Cənab Prezidentimiz «Şöhrət» ordeni verdiyi, amma şöhrətsiz əməllərlə ad çıxarmış Alı Alıyevi işdən çıxardığı gün dilənib 124 qoyun alıb, hamısını qurban kəsəcəm». Mənbə.http://www.politika.az/manset/10452-qaragunlu-camaat-ve-ali-aliyevin-nagillar-dunyasi.html#sel=3:1,50:2

Bütün bunlar bizim Füzulidəki bir günümüz nəticəsində ortaya çıxarılmış faktlardır. Düşünün, biz bir həftə orada qalsaydıq nələr baş verərdi?