Cavid Qurbanov Elmira Şükürovaya görə Raqub Məmmədovu "vurdurur" Özəl

Hələ bir neçə il öncə Elmira Şükürovanın bir milyon manat verməklə Ağdam rayonuna icra başçısı təyinat alacağı ilə bağlı müxtəlif qəzetlərin manşet xəbəri kimi yayılmışdı. İddia olunurdu ki, həmin vaxt icra hakimiyyətinin başçısı Həsən Sarıyevin hakimiyyət qarşısında limiti bitdiyi üçün onunla ciddi konfliktdə olan və Ağdam təhsil şöbəsinin müdiri Elmira Şükürova millət vəkili Cavid Qurbanovun köməkliyi sayəsində Ağdama icra başçısı gətirilir. Ancaq verilən proqnozlar təsdiqini tapmadı, Nizami Sadıqov bu vəzifəyə təyin olundu. Yeni təyinat alan başçıya da tapşırıldı ki, xanım Şükürovanın korrupsioner fəaliyyətinə baxmayaraq onu da gələcəkdə işləyəcək komandasından kənarda saxlamasın. Yəni, bununla da icra başçısı olmaq arzuları fiaskoya uğrayan xanım Şükürovanın könlünü almağa, verdiyi məbləği geri istəməməsi üçün ümidverici bir fənd olaraq qəbul olundu. Sadıqovun çalışdığı müddət ərzində keçmiş icra hakimiyyəti başçısı Həsən Sarıyevlə aralarında yaranmış narazılıq səbəbindən xələfi tərəfindən yuxarı dairələrə göndərilən kompramatlar sayəsində işdən çıxarıldı və bu dəfə də Elmira xanım icra başçısı olmaq şansından kənarda qaldı. Çünki bu vəzifəyə gətirilən Raqub Məmmədovun arxasındakı güc Elmira Şükürovanın arxasındakı oliqarxdan daha yüksək elitada idi. O, sabiq MTN rəhbərinin kadrı kimi adı hallandırılsa da, əslində hakimiyyətə, heç bir qaranlıq olaylarda adı hallanmamış, ən əsası isə dövlətçiliyə sadiq bir potensial kadr olaraq namizədliyi irəli sürülmüşdü. Onun arxasındakı yüksək elitada təmsil olunan şəxs isə etimadını doğruldacağına əmin olaraq onu bu vəzifəyə təyin edən Cənab Prezident idi. Hazırda, illər boyunca yol verdiyi ciddi nöqsanlara görə Ağdam RTŞ-nin müdiri vəzifəsindən çıxarıldıqdan sonra Kəlbəcər rayon təhsilinə müdir vəzifəsinə aparılmış Elmira Şükürova sifarişli yazarları ilə Raqub Məmmədovun əleyhinə müxtəlif şantajçı saytlarda, reket jurnalistlərin vasitəsilə həqiqətə uyğun olmayan yazılar dərc etdirməklə yüksək dairələrdə və ictimaiyyət arasında Ağdamda guya ciddi qanun pozuntuları olduğu barədə fikir formalaşdırmağa çalışır. Diqəət etsək görərik ki, Cavid Qurbanovun xeyrinə yazıların yer aldığı saytlarda Ağdam təhsil şöbəsinin və icra başmısının hədəf seçilməsi heç də təsadüfi bir hal kimi qəbul edilməməli, bunun məqsədli şəkildə aparılan bir kompaniya olması artıq ifşa olunub. Ağdam ictimaiyyəti onların üzərindən icra başçısına qarşı oyun qurulduğunu, bu oyunun arxasında isə Elmira Şükürovanın vəzifə ehtirasından qaynaqlandığı dərk etməklə, insanların problemləri ilə daim maraqlanmaqla bir doğma münasibət gördükləri icra hakimiyyətinin başçısı Raqub Məmmədovu dəstəklədiklərini, onu icra başçısı təyin etdiyi üçün ölkə rəhbərliyinə minnətdarlıq edirlər.    

Reportyor.tv