MTN-in daha üç əməkdaşı həbs olundu

Bizimxeber.az-a daxil olan daha bir ilginc məlumata görə, keçmiş nazir Eldar Mahmudovun yaxın adamı, birbaşa onun dəstəyi ilə bu posta təyin edilən Yasamal Mənzil Kommunal Təsərrüfatı Birliyinin (MKTB) rəhbəri Akif Hacıyev nəzarətində olan şəbəkəni itirir. Yasamal ərazisində bahalı mənzillərin alqı-satqı şəbəkəsinin rəhbəri olan Akif Hacıyev bütün adamlarına diqqətli olmağı tapşırıb.

Yasamal rayonu ərazisində kimin bahalı mənzilə sahib olması, kiminsə bahalı mənzil alması barədə məlumatlı olan şəbəkə rəhbəri, ağsaqqal Akif Hacıyevin bu məlumatları Eldar Mahmudova ötürdüyü iddia olunur. Məlumatda qeyd olunur ki, Yasamal rayonu ərazisində yaşayan biznesmenlər və sahibkarların biznes siyahısını məhz Akif Hacıyev nəzarətdə saxlayırmış.

Məlumat üçün bildirək ki, Akif Hacıyevin əsas nəzarətdə saxladığı yerlər Elmlər Akademiyası metrosunun yaxınlığı olub.

Cünki burada mənzillər həddindən artıq baha qiymətə satılır. Araşdırmalarımız davam edir.

***

MTN şefi Eldar Mahmudovun gözlənilmədən işdən çıxarılması ölkədə ciddi rezonans yaratdı. Bunun ardınca aparılan araşdırmalar, MTN və digər qurumlarda yüksək post sahiblərinin həbsi və araşdırmaların davam etdirilməsi daha yeni faktlar ortaya çıxardı.

Ən ciddi məqam isə E.Mahmudovun nəzarətində olan qohumları və yaxın adamlarının fəaliyyətidir ki, hazırda bu istiqamətdə ciddi araşdırmalar davam etdirilir. Demək olar ki, hər gün müxtəlif sahələrdən sabiq nazirə bağlı şəxslərin müəyyən edilərək vəzifələrindən alındığına dairə məlumatlar gəlir. Bizimxeber.az-a isə daha bir ciddi məlumat daxil olub. Eldar Mahmudovun daha bir adamı nazir və ya idarə rəisi yox, Mənzil Təsərrüfat İdarələrinin rəhbəridir. Araşdırmalar zamanı bəlli olub ki, sabiq nazir təkcə müxtəlif nazirliklərə deyil, həmçinin paytaxtın Mənzil Təsərrüfat İdarələrinə də öz adamlarını yerləşdirib. Bunlardan biri də Yasamal Mənzil Kommunal Təsərrüfatı Birliyinin rəhbəri Akif Hacıyevdir.

Bunun hansı məqsəd və niyyət daşıdığı hələlik bəlli olmasa da, fakt olaraq E.Mahmudovun bu şəxsdən müəyyən məqamlarda yararlanması sirr deyil. Böyük maliyyə imkanlarına malik Akif Hacıyevin böyük biznes şəbəkəsinə malik olduğu deyilir. O, bu imkanları məhz Eldar Mahmudovun himayəsi sayəsində əldə edib. Daha bir maraqlı məqam isə Akif Hacıyevin idarə etdiyi avtomobillərinin dövlət nömrə nişanlarının Eldar Mahmudovun oğlunun maşınları ilə eyni olmasıdır.

Həmçinin Eldar Mahmudov Akif Hacıyevin oğlunu MTN-də işə düzəldib. Eldar Mahmudovun həsbinə qədər fəxrlə “88”lə başlayan şəxsi avtomobillərini idarə edən Akif Hacıyev, sabiq nazirin vurulmasından sonra bu maşınlardan imtina etməyə başlayıb və artıq digər nömrə nişanlı maşınlarla hərəkət edir.

O bu yolla izi itirməyə çalışır. Məlumatda qeyd olunur ki, yaxın günlərdə Azərbaycanı tərk etməyə çalışan A.Hacıyev yaxın dostlarından kömək belə istəməyə qorxur. Araşdırmalarımız davam edir. Eldar Mahmudova məxsus Yasamala tikilən göydələnlərdə Akif Hacıyevin barmağı varmı? Onun eks MTN şefi ilə daha hansı biznes əlaqələrinin olması barədə yaxın günlərdə daha müfəssəl məlumat verəcəyik.