Müxalifət bir arada toplandı

Bu gün ADP Qərərgahında Demokratik Qüvvələrin Məşvərət Məclisinin (DQMM) Nümayəndələr Palatasının növbəti iclası keçirilib.Toplantıda DQMM-nə üzv olan partiya sədrləri, həmin partiyaların nümayəndələri iştirak edib. Toplantıda çıxış edən Nümayəndələr Palatasının katibi, AMİP Mərkəzi Şurasının sədri Rəşad Bayramov Əsasnaməyə müvafiq olaraq Nümayəndələr Palatasının iclaslarına sədrliyin növbəlilik prinsipi əsasında həyata keşirildiyini xatırlatdı və beləliklə KXCP Ali Məclisinin sədri Bəybala Əbil, Demokratik İslam Partiyasının sədri Tahir Abbaslı və ADP sədrinin müavini Tailiyət Əliyevdən ibarət sədarətlə toplantı açıq elan olunub.



Tədbir dövlət himnin canlı ifası ilə öz işinə başladıqdan sonra, 31 mart Dünya Azərbaycanlılarını soyqırımı günü ilə əlaqədar şəhidlərin xatirəsi yad edilib. Gündəlikdə duran ilk məsələ, 31 mart Dünya Azərbaycanlılarını soyqırımı günü ilə əlaqədar çıxış edən XAP sədri Valeh Mirzəyev çıxışında zaman-zaman ermənilər və havadarları tərəfindən Azərbaycan xalqına qarşı həyata keçirilən deportasiya və soyqırım siyasətinin mahiyyətini bar daha qeyd edərək, mənfur qonşularımız xalqımıza qarşı etdikləri 1905-1907-ci illərin qanlı cinayətlərinin 1918-1920-ci illərdə daha geniş vüsət almasını xatırlatdı. İlk məsələ ilə əlaqədar bəyanat qəbul olunub.



Daha sonra təşkilati məsələləri müzakirə edən toplantı iştirakçıları Nümayəndələr Palatasına yeni üzvlərin qəbulunu həyata keçirib. Berləliklə, keşmiş ədliyyə generalı Hüseyn Hüseynov, Ədliyyə polkovniki Vaqif Əliyev, rəssam Ruslan Quliyev, iqtisadçı Rəcəb Həmzəyev, elmlər akademiyasının iqtisadçı analitiki Eldar Əliyev, İctimai Palatanın keçmiş üzvləri Ramiz Mirzə, Hidayət Hüseynov, Şirinbacı Hacıyeva və başqaları yekdilliklə Nümayəndələr Palatasına üzv seçiliblər.



Ölkədəki ictimai siyasi vəziyyətin müzakirəsi zamanı çıxış edən ACP sədri Sülhəddin Əkbər, ALP sədri Əvəz Temirxan, Azadlıq Partiyasının sədri Əhməd Oruc, Azad Azərbaycan Partiyasının sədri Həsən Həsənov, Böyük Azərbaycan Partiyasının sədri Elşad Musayev, AMİP Mərkəzi Şurasının sədri Rəşad Bayramov, KXCP sədri Mirmahmud Mirəlioğlu, ADP sədrinin müavini Tailiyyət Əliyev, ADİP sədri Tahir Abbaslı, ACP sədrinin müavini Zəminə Dünyamalıyeva, nümayəndələr palatasının üzvləri Kərəm Məmmədov, Hidayət Abbasov, Faiq Məmmədov və başqaları Prezident seçkiləri ərəfəsində qarşıda duran vəzifələrdən danışıblar. Ölkədə seçkiqabağı demokratik mühitin yaradılması üçün daha fəal mübarizənin vacibliyini qeyd edən natiqlər həmçinin Məşvərət Məclisinin daim siyasi qüvvələrin birləşməsi istiqamətində konkret addımlar atdığını amma buna baxmayaraq bir qism şəxslərin fəaliyyətinin bu birliyə maneə yaratdığını da qeyd ediblər.





Nümayəndələr Palatasının iclasında palatanın daha effektiv fəaliyyətini təmin etmək məqsədilə, qadın təşkilatı və gənclər komitəsinin yaradılması haqqında da qərar qəbul olunub. Həmçinin Məşvərət Məclisinin vahid seçki platformasının hazırlanmas üçün Məşvərət Məclisində təmsil olunan siyasi partiyaların və bitərəflərin iştirakı ilə ekspert qruplarının yaradılması, eləcə də ictimaiyyətlə əlaqələrin intensivləşməsi üçün ictimaiyyətlə əlaqələr qrupunun yaradılması ilə bağlı qərar vermək üçün sədrlər şurasına müraciət qəbul olunub.