Yazı ölçüsü : 13 Punto

ABU-dan sonra Təfəkkür Universiteti bağlana bilər…

Təfəkkür Universiteti barədə bir çox iddialar müxtəlif xəbər portallarında yayılmaqdadır. Bütün bu informasiyaların dövriyyəyə buraxılmasının arxasında hansı maraqlı qüvvələrin olması, ən ciddi ittihamların yer alması, hətta yuxarı dairələri təmsil edən yüksək çinli məmurların adının hallandırılmasını təsadüf adlandırmaq mümkün deyildir. Hətta Avropaya qaçaraq oradan böyük iddialarla çıxış edən və bu günlərdə beynəlxalq axtarışa verilmiş Riyad Əliyevin də arxasında onu danışdıran bir əlin olması ehtimalı həqiqətə daha yaxındır. Düşünən də ki, rektor Atakişiyevin də adının Elşad Abdullayevlə yaxın əlaqələrdə olan şəxslər sırasında hallandırılması faktoru mövcuddur, o zaman bu təhsil ocağının da eyni taleyi yaşaması ehtimalı istisna deyil.tefekkur “FİA.AZ” saytını məlumatlandıran mənbənin sözlərinə görə, Təfəkkür Universitetinin növbəti tədris ili başlayanadək bağlanma ehtimalı böyükdür, hazırda bu istiqamətdə işlər aparılmaqdadır. Elə bu məqsədlə də fəaliyyət göstərməsi üçün dəfələrlə Təhsil Nazirliyinə lisenziya ilə bağlı müraciət olunsa da “yox” cavabı alınıb. Bu da universitetin gələcək fəaliyyətini ciddi şəkildə şübhə altına alınması nəticəsini ortaya qoyur. Hazırda universitetdə rektor vəzifəsində olan, həmtəsisçilərdən Müşfiq Atakişiyevin əsasnaməyə görə rektorluq müddətinin bitməsinə baxmayaraq vəzifəsinin icrasını davam etdirməsi, ümumiyyətlə həmin həmtəsisçilərin Ədliyyə Nazirliyində indiyənədək rəsmən qeydə alınmaması da bir çox şübhələri daha da ciddiləşdirir. “Təfəkkür”ün rektorunun və digər həmtəsisçilərdən olan prorektor R.Hüseynovun Prezident Administrasiyasında havadarlarının olması ilə bağlı hər yerdə danışması, konkret olaraq Fuad Ələsgərovla Vaqif Axundovun adını hallandırması mövzusuna növbəti yazıda aydınlıq gətirəcəyik. Yazıda adları çəkilən şəxsləri də dinləməyə hazırıq…

Teqlər:

Bu xəbər cəmi 1570 dəfə oxunuldu