Türkiyənin tanınmış aktyoru Murat Yıldırım Bakının qonağı olacaq. “Qafqazinfo”nun məlumatına görə, aktyor fevralın 13-ü 28 Cinemada baş tutacaq “Kırımlı” filminin qala gecəsinə qatılacaq.
Gecədə aktyorla yanaşı filmin rejissoru Burak Arlıelvə çəkiliş qrupu da iştirak edəcək.
Qeyd edək ki, film 2-ci Dünya müharibəsi zamanı alman əsir düşərgələrində girov götürülən tatar əsirlərin yaşadıqları insanlıq dramı və çəkdikləri acılardan bəhs edir. Layihəsi Avni Özgürelə aid olan ssenarisi isə Atilla və Nil Ünsal cütlüyünə məxsusdur.
Hüseyn Cavid prospektinin Mirzağa Əliyev küçəsində yerləşən bir, iki və üçmərtəbəli binalar söküləcək.
Bu barədə SalamNews-a Bakı Şəhər İcra Hakimiyyətinin rəhbəri Hacıbala Abutalıbov bildirib.
Onun sözlərinə görə, birinci və ikinci mərhələlərdə kommunal rahatlığa malik olmayan bütün binalar söküləcək, sakinlərə kompensasiya ödəniləcək. Bu ərazidə istirahət yerləri, idman meydançaları, parklar tikiləcək.
O deyib: “Biz şəhərin mərkəzini bir az boşaltmağa çalışacağıq. Üçüncü mərhələ çərçivəsində Füzuli küçəsindən “Nizami” metro stansiyası yaxnlığındakı əraziyə qədər olan binalar söküləcək. Həmçinin “Kubinka” adlanan ərazidəki binalar da söküləcək. Biz bu işləri qısa müddət ərzində başa çatdırmağa çalışacağıq. Bundan sonra Bakı dünyanın ən yaşıl şəhərinə çevriləcək.”
Ölkəmizdə insanların sağlamlığına verilən önəm, bu sahəyə dövlətin və şəxsən ölkə başçısının diqqət və qayğısı səhiyyəmizin bugünkü yüksək inkişafında bir güzgü kimi əks olunur.