Qalmaqallı Lamiyənin şok açıqlamaları: “Rəis olmasa…”

Bu faktı hüquq müdafiəçisi Elçin Behbudova istinadən ilk olaraq ictimailəşdirən Axar.az xəbər verir ki, Şəmkirin sabiq başçısı Aslan Aslanovun oğlunu öldürən L.Quliyevanın məhbəsdə kimdən və necə övlad dünyaya gətirməsi ciddi rezonans və çoxlu suallar doğurub. E.Behbudov təcavüz amilini ehtimal edir, Penitensiar Xidmət isə onun yanına yaxınlarının qısa və uzun müddətli gəldiyini bildirir. 

Son xəbərə görə, məsələnin gündəmdən çıxarılması istənilib. Sabiq başçı özü də adının daha çox hallanmasını bəyənməyib. O, yaxın ətrafı ilə söhbətdə baş verən hadisədə rolu olması və qisas alması fikrini rədd edib. 

Axar.az arxiv materiallarını araşdırarkən mühüm bir detal əldə edib. Məlum olub ki, 2009-cu ildə “Bizim Yol” qəzeti 4 saylı CÇM-dən reportaj hazırlayıb və L.Quliyeva o zaman açıqlamalar verib. 

***

L.Quliyeva jurnalistlə söhbətində şəraitdən razılıq edib: “Ancaq bəzi işçilər dustaqların canını boğazına yığır, onları incidirlər. Rəis olmasa, dustaqlar burda ölər. Onun hünərinə burda nəfəs alırıq. Mən nəzarətçiləri nəzərdə tutmuram. Burda bir «oper» Həqiqət var, dustaqları sakit nəfəs almağa qoymur. 

Siz mənə inanırsızsa, onda mənim sözümü eləcə də qəzetə yazın. Bura elə bir yerdir ki, biri sözünü deyən kim o dəqiqə böyürdən-başdan şilləvuranlar çıxır. Xahiş edirəm, beləcə yazın. Hamı da bilir ki, mən yalan danışan qız deyiləm”. 

L.Quliyeva bildirib ki, əsəbləri pozulsa da, sözün düzünü deyəndir: “Rəis olmasa, bəzi işçilər dustaqlarn gözünü çıxarar. Burda bir neçə dustaq dəfələrlə özünə xəsarət yetirmək istəyib. Onlardan da biri mənəm. Özümü atıb öldürmüşdüm az qala. Burda elə dustaqlar var ki, “paqon”u müdafiə etmək üçün “işverənlik” edirlər”.

***

Lamiyə bu sözləri deyərkən yaşlı məhbus qadınlardan biri jurnalistə tərəf əyilərək: “O yalan danışır, burda heç kim bizi incitmir” deyib. Başqa bir məhbus isə həmin yaşlı qadına: “Ağsaqqal arvadsan, qarışma heç nəyə. Nə işinə qalıb?! Nə deyir, deyir” deyə irad tutub. 

Söhbətin bu yerində nəzarətçi qadın müxbirə yaxınlaşıb deyib ki, L.Quliyeva məhbus deyil: “O, burda alver edirdi, indi qoymurlar. Ona görə belə əsəbi halda danışır. Mən sizə deyim ki, o məhbus deyil, ona qulaq asmayın”. 

Xatırladaq ki, həmin dövrdə müəssisə rəisi Müzəffər Məmmədovun Lamiyə ilə münasibətlərinin yaxşı olduğu bildirilir, o cümlədən dustağım sələmçiliklə məşğul olduğu da iddia edilir. 2009-cu ildə verdiyi bu açıqlamalar bu günkü iddiaların həqiqilik ehtimimalını gücləndirir.

***

Azxeber.com yazıb ki, Lamiyə hələ 17 yaşındaykən xalası oğlu Vüqarla nişanlanır. Nişan mərasimindən sonra ailələr toya hazırlıq işlərinə başlayır. Toylarına hazırlaşan cütlük cinayət olayı ilə üz-üzə qalır. Rayonun ərazisində avtomobildə icra başçısı Aslan Aslanovun yeganə oğlu Ruslan Aslanovun meyiti tapılır. Qətli törədən Lamiyə və Vüqarın valideynləri də həbs olunurlar. Amma bir müddət sonra valideynlər azadlığa buraxılır. 

İddiaya görə, Ruslanın kafedə Vüqarın nişanlısı Lamiyə haqda nalayiq sözlər işlətməsi ölümünə səbəb olub. Vüqar ömürlük, Lamiyə 10 il həbs cəzası alır. Cəzası bitən vaxtda Lamiyənin saxlanıldığı 4 saylı qadın cəzaçəkmə müəssisəsində qadın nəzarətçi ilə dava düşür. Ona  cinayət işi açılaraq cəzası 5il 6 ay artırılır.