YeniMeydan.info - Azərbaycanda ən çox və ən az maaş alanlar

Azərbaycanda ən çox və ən az maaş alanlar - SİYAHI

Azərbaycanda neftçilərin maaşı həkimlərdən 9 dəfə, müəllimlərdən 6 dəfə artıqdır. Bu barədə fins.az-a Dövlət Statistika Komitəsindən bildirilib. Komitənin məlumatına görə, Azərbaycan ən yüksək maaş alanlar mədənçıxarmə sənayesində işləyənlərdir. Neft-qaz işçilərinin orta aylıq əmək haqqı 1717 manatdır. Səhiyyə sahəsində çalışanların orta əmək haqqı isə bundan 8,8 dəfə az, yəni 195 manat təşkil edir. Əmək haqqının həcminə görə, ikinci yeri bank-sığorta işçiləri tutur. Maliyyə-sığorta sahəsində çalışanların orta aylıq əmək haqqı 1172 manatdır və bu, ölkə üzrə orta orta göstəricini təxminən 2,7 dəfə üstələyir. Əmək haqqının həcminə görə, sonrakı yerləri informasiya və rabitə işçiləri (736 manat), peşə, elmi və texniki fəaliyyətlə məşğul olanlar (657 manat) və tikintidə çalışanlar (626 manat) tutur. Azərbaycanda ən az maaş alanlar isə səhiyyə işçiləri və sosial xidmətlərin göstərilməsi ilə məşğul olanlardır. Bu təbəqə ayda cəmi 195 manat qazanır. Orta maaş göstəricisi kənd təsərrüfatı, meşə təsərrüfatı və balıqçılıqda 238 manat, istirahət, əyləncə və incəsənət sahəsində 249 manat, təhsil sahəsində 297 manat, daşınmaz əmlak sektorunda 319 manatdır. Dövlət idarələrində, müdafiə, sosial təminat sahəsində işləyənlərin orta aylıq əmək haqqı isə 475 manatdır.

Fəaliyyət növlərinin adı	Manat
Mədənçıxarma sənayesi	1717,3
Maliyyə və sığorta fəaliyyəti	1172,0
İnformasiya və rabitə	735,8
Peşə, elmi və texniki fəaliyyət	657,2
Tikinti	626,1
İnzibati və yardımçı xidmətlərin göstərilməsi	550,3
Nəqliyyat və anbar təsərrüfatı	537,8
Elektrik enerjisi, qaz və buxar istehsalı, bölüşdürülməsi və təchizatı	490,6
Emal sənayesi	485,4
Dövlət idarəetməsi və müdafiə; sosial təminat	475,1
Turistlərin yerləşdirilməsi və ictimai iaşə	459,9
Ticarət; nəqliyyat vasitələrinin təmiri	373,6
Su təchizatı, tullantıların təmizlənməsi və emalı	331,3
Daşınmaz əmlakla əlaqədar əməliyyatlar	319,3
Təhsil	296,8
İstirahət, əyləncə və incəsənət sahəsində fəaliyyət	249,3
Kənd təsərrüfatı, meşə təsərrüfatı və balıqçılıq	237,7
Əhaliyə səhiyyə və sosial xidmətlərin göstərilməsi	195,4
Digər sahələrdə xidmətlərin göstərilməsi	395,3
Orta hesabla	441,8

Teqlər:

Bu xəbər cəmi 1865 dəfə oxunuldu