“Məni devirmək asan olmayacaq, çünki bunun üçün yalnız seçkilərin keçirilməsi kifayət deyil. Bunun üçün məni seçkilərə buraxmamaq lazım gələcək. Bu isə bir az daha çətin olacaq". 
“AzPolitika” xəbər verir ki, bunu Ukrayna Prezidenti Volodimir Zelenski Böyük Britaniyada jurnalistlərə açıqalamasında deyib.
Zelenski prezident seçkiləri keçiriləcəyi təqdirdə seçkidə iştirakını istisna etməyib.Qeyd edək ki, Ukrayna Prezidenti hazırda Böyük Britaniyada səfərdədir. Orada Aİ liderlərinin Ukrayna ilə bağlı görüşü keçirilir.
Daha əvvəl “Bloomberg” Avropa rəsmilərinə istinadla yazıb ki, ABŞ Prezidenti Donald Trampın bəzi müşavirləri müharibəni dayandırmaq üçün gələcək razılaşmaya Volodimir Zelenskinin istefası ilə bağlı bənd daxil etməyi təklif edirlər. Lakin nəşrin mənbələrinə görə, Tramp bununla bağlı “daha az radikal mövqeyə” malikdir.