ABŞ İsrailə 6,5 milyardlıq hərbi texnikanın satışını təsdiqlədi

 ABŞ Dövlət Departamenti İsrailə üç ayrı müqavilə çərçivəsində potensial hərbi tədarüklərin göndərilməsini təsdiqləyib.
“Qafqazinfo” xəbər verir ki, bu barədə Pentaqon məlumat yayıb.
Bildirilib ki, ümumilikdə sözügedən tədarüklərin dəyəri 6,5 milyard dollardan çoxdur.
Əsas olaraq, İsrailə təqribi dəyəri 1,98 milyard dollar olan yüngül taktiki nəqliyyat vasitələrinin və onlara aid avadanlıqların mümkün satışı, həmçinin 3,8 milyard dollar məbləğində 30 ədəd “AH-64E Apache” helikopterinin satışı təsdiqlənib.
740 milyon dollar dəyərində olan üçüncü müqavilə isə “Namer” zirehli transportyorları üçün qurğuları və transmissiyaların göndərilməsini, eləcə də onların kompleks logistik təminatını əhatə edir.