Baba Rzayevin 1 milyonluq tenderinə icazə verilmədi

          


“Azərenerji” Açıq Səhmdar Cəmiyyətinin elan etdiyi tenderin nəticələri ləğv edilib.

XALQ.AZ xəbər verir ki, Müxtəlif növ elektrik mallarının satın alınması nəzərədə tutulan işlərə icazə verilməyib.
İşlərin ləğv edilməsinin səbəbi isə satınalmada iştirak etmək üçün təklifi və təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayı üçdən az olması və ya “Dövlət satınalmaları haqqında” qanunun 36.1.1.-ci maddəsinin tələbinin pozulması göstərilib.

Həmçinin 350 min mantalıq tenderdə ləğv olunub Belə ki,”Azərenerji” Açıq Səhmdar Cəmiyyətinin elan etdiyi tenderin nəticələri ləğv edilib. Azərbaycan enerjisistemi üzrə 250 MVt gücündə Batareya Enerji Saxlanc Sisteminin (BESS) optimal yerləşmə yerlərinin təyin edilməsi, təfsilatlı layihələndirilməsi və tikintisi üçün texniki şərtlərlə birlikdə ilkin layihələndirmə və tender sənədlərinin hazırlanması əzərədə tutulan işlərə icazə verilməyib.

Xatırladaq ki, “Azərenerji” Açıq Səhmdar Cəmiyyətinin prezidenti Balababa Rzayevdir.

Qeyd edək ki,oktyabrın 5-də Baş nazir Əli Əsədovun imzaladığı sərəncama əsasən, 2024-cü il üzrə təsdiq edilmiş yanacaq-enerji balansında qazdan istifadə istiqamətlərini pozaraq müvafiq qaydada razılaşdırmadan elektrik enerjisini ixrac etdiyinə görə, “Azərenerji” ASC-nin Prezidenti Balababa Hüseynağa oğlu Rzayevə şiddətli töhmət elan edilib.