Avropanın təhlükəsizliyi sual altındadır - Fidan

 Avropa liderlərinin Ukrayna və Avropanın təhlükəsizliyi məsələlərinə dair görüşləri iki-üç həftədən bir keçirilə bilər.
Yenimeydan.info Teleqraf-a istinadla xəbər verir ki, bunu Türkiyənin Xarici işlər naziri Hakan Fidan deyib.
Nazir bildirib:
“Avropa liderləri həll yollarını müzakirə etmək üçün bir araya toplaşıblar. Belə görüşlər gələcəkdə də davam edəcək”.
Türkiyəli diplomat qeyd edib ki, ABŞ-ın son həftələrdə yürütdüyü siyasət Avropa liderləri arasında Ukrayna məsələsi və ümumilikdə Avropanın təhlükəsizliyi ilə bağlı suallar yaradıb:
“Bu məsələ açıq şəkildə müzakirə olunur. Müzakirələri diqqətlə izləyirik. Ukrayna ilə bağlı sülh sazişinin olub-olmayacağına birlikdə baxacağıq”.