09 fevral 2024
17

Zalujnı səfir vəzifəsindən niyə imtina edib?

 Ukrayna ordusunun keçmiş baş komandanı Valeri Zalujnı Ukraynanın Böyük Britaniyadakı səfiri vəzifəsindən imtina edib.
Yenimeydan.info xəbər verir ki, bu barədə "Vaşinqton Post" məlumatlı mənbəyə istinadən məlumat dərc edib.
Mənbə Zalujnının səfir vəzifəsindən niyə imtina etdiyinin səbəbini də açıqlayıb:
“Zalujnı karyeralı hərbçidir, Ukraynada hərbi vəziyyət olduğu müddətdə o, ordunu tərk edə bilməz”.
Qeyd edək ki, ötən gün ölkə Prezidenti Vladimir Zelenski Zalujnını ordunun baş komandanı vəzifəsindən azad edib və onun yerinə quru qoşunlarına komandanı Aleksandr Sırskini təyin edib.
Bu həftənin əvvəlində isə Zalujnının istefası hələ də müzakirə olunarkən, Ukrayna Ali Radasının deputatı Yevgeni Şevçenko Zalujnının Britaniyadakı səfir postuna razılıq verdiyini bildirmişdi.