GDU PROFESSORU ALİ ATTESTASİYA KOMİSSİYASINI “YIXIB-SÜRÜDÜ” – RÜŞVƏT, QOHUMBAZLIQ VƏ…

    Ali Attestasiya Komissiyasında dissertasiyanı pulu ilə yazdırıb, içindən xəbəri olmayan adamı Ekspert komissiyasından müsbət rəylə keçirib diplom verirlər. Dissertasiyasındakı uzun sözləri, çoxhecalı sözləri belə tələffüz edə bilməyən, pedaqogikanı bilməyən adam pulunu verib alim adı alır.Bu barədə Gəncə Dövlət Universitetinin dosenti, fəxri professoru Cəfər İbrahimovun Tribunainfo.az-a ünvanladığı şikayət məktubunda qeyd edilib.
Ali Attestasiya Komissiyasındakı özbaşınalıqlar, buna şərait yaradan AAK sərdi Famil Mustafayevin rüşvətxorluğundan şikayətlənən professor bildirib ki, AAK-da hər şey pulla, qohumbazlıqla həll olunur:
“Qasımova Həmidə İsgəndər qızı 27.05.2022-ci ildə 5804.01 – “Ümumi pedaqogika, pedaqogikanın və təhsilin tarixi” şifri üzrə fəlsəfə doktoru elmi dərəcəsi almaq üçün “Yuxarı sinif şagirdlərində təşkilatçılıq qabiliyyətlərinin formalaşdırılması üzrə işin sistemi” mövzusunda dissertasiya işi müdafiə edib. Bu dissertasiya işini rüşvət müqabilində onun elmi rəhbəri, pedaqoji elmlər doktoru, professor Akif Abbasov yazıb. Həmidə Qasımova pedaqogika elmindən tam xəbərsiz, pedaqogikanın ilk anlayışlarının adını, ixtisasının adını belə bilməyən bir adamdır. Ali Attestasiya Komissiyasında dissertasiyanı pulu ilə yazdırıb, içindən xəbəri olmayan adamı Ekspert komissiyasından necə müsbət rəylə keçirib diplom verirlər? Dissertasiyasındakı uzun sözləri, çoxhecalı sözləri belə tələffüz edə bilməyən, pedaqogikanı bilməyən adama necə alim adı verilir?”.
Professor bildirb ki, AAK sədri F.Mustafayevin təməlini qoyduğu rüşvət və fırıldaq yollarla alim adı alan Həmidə Qasımova Gəncə Dövlət Universitetinin rekroru Yusif Yusibovun keçmiş katibəsidi:
“Gəncə Dövlət Universitetinin rektoru Yusif Yusibovun öz keçmiş katibəsinin işini təsdiq etdirmək üçün qorxusundan verdiyi rüşvət qanunları beləmi əzməyə imkan verir? Həmidə Qasımovanın əlində kifayət qədər Yusif Yusibovu bitirəcək materiallar və video çəkilşlər var.
Bunlar Ali Attestasiya Komissiyasında bəzi şəxslərin korrupsiyaya bulaşdığını göstərir. Budurmu AAK-ın obyektivliyi? Bu biabırçılığın qarşısı alınmalıdır.
Bütün bunlar azmış kimi universitet rəhbərliyi mənim adım və saxta imzamla, məndən xəbərsiz müxtəlif təşkilatlara məktub göndərir ki, guya məktubu mən yazmamışam”.