Litva Ukraynaya qoşun göndərə bilər

    Litvanın NATO-dakı səfiri Davidas Matulonis bildirib ki, Vilnüs Qərb ölkələrinin qoşunlarının Ukraynaya mümkün göndərilməsi ilə bağlı Parisin ideyasını dəstəkləyir . Yenimeydan.info xəbər verir ki, Fransa belə bir qərar qəbul edərsə, bunun üçün Alyansın icazəsinə ehtiyac yoxdur.“Bunlar milli qərarlar, bir qrup ölkə, bu təşəbbüsə qoşulmaq istəyən koalisiya ola bilər. Bunun üçün NATO-nun təsdiqi və ya etiketi olması vacib deyil”, – diplomat izah edib.
Eyni zamanda, Matulonis etiraf edib ki, hazırda Qərb qoşunlarının Ukraynaya göndərilməsi “sadəcə ideyadır” və bununla bağlı müxtəlif ölkələrin müxtəlif təklifləri var. Bununla belə, səfir bu mövzunu gələn həftə Brüsseldə keçiriləcək görüşdə NATO xarici işlər nazirləri tərəfindən yenidən gündəmə gətirə biləcəyini istisna etməyib.