Türkiyə Suriyada hərbi bazalar qurur

 Türkiyə Silahlı Qüvvələri terrora qarşı mübarizə çərçivəsində Suriyada hərbi bazalar qurmağı planlaşdırır.
Yenimeydan.info   xəbər verir ki, bu barədə “Türkiyə” qəzeti mənbələrə istinadla məlumat yayıb.
“Mənbələr Türkiyə Silahlı Qüvvələrinin İŞİD-lə mübarizə üçün Suriyada Hərbi Hava Qüvvələri və Hərbi Dəniz qüvvələrinin bazasını quracağını bildiriblər”, - nəşr yazıb.
Məlumata görə, Suriyada İŞİD-ə qarşı mübarizə çərçivəsində Türkiyə də daxil olmaqla beş ölkə arasında qruplaşma ilə mübarizə mexanizmini müzakirə etmək üçün müntəzəm görüşlər keçirilir.
Danışıqlarda başqa hansı ölkələrin iştirak etdiyi açıqlanmır.
Mənbələr bildirib ki, Türkiyə Prezidenti Rəcəb Tayyib Ərdoğan və ABŞ Prezidenti Donald Tramp arasında mümkün görüş Suriya münaqişəsində bir sıra əsas məsələlərin həllinə kömək edə bilər.