Türkiyədə 648 nəfər dönərdən zəhərləndi

 Türkiyənin Kocaeli vilayətində toyuq dönərindən zəhərlənən 648 nəfər həkimə müraciət edib.
Yenimeydan.info xəbər verir ki, bu barədə NTV telekanalı xəbər yayıb.
Məlumata görə, zəhərlənmə şikayəti ilə əyalət xəstəxanalarına ümumilikdə 648 nəfər müraciət edib. Onlardan 646-sı evə buraxılıb, iki nəfərin müalicəsi davam etdirilir.
Dönərin satıldığı obyekt bağlanıb. Analiz üçün qida nümunələri götürülüb. Məlum olub ki, dönər müəyyən edilən standartlara cavab vermir.
Hadisə ilə bağlı iki şübhəli şəxs həbs edilib.(Axar.az)