Tanınmış iş adamına "stop" qoyuldu - 167 min manatlıq vergi borcuna görə

"LAYT KOM" MMC məhkəməyə verilib.

32gun.az xəbər verir ki, sözügedən MMC barəsində İnzibati Xətalar Məcəlləsinin 528.1-ci maddəsi ilə (İdarəçilik Qaydalari Əleyhinə Olan Inzibati Xətalar) protokol hazırlanıb.

Hazırlanmış protokol Bakı Şəhəri Yasamal Rayon Məhkəməsinə təqdim edilib. Məhkəmə işi hazırda hakim Rauf Daşdəmirovun icraatındadır.

Əldə etdiyimiz məlumata görə, hazırda şirkətin dövlətə külli miqdarda vergi borcu var. "LAYT KOM" MMC-nin hazırki vergi borcu 166311.63 AZ təşkil edir.

Bildirək ki, nizamnamə kapitalı 10 AZN olan şirkətin qanuni təmsilçisi Bağman Cəfərov Əli oğludur. Bağman Cəfərov həm də “MCB” BOKT QSC rəhbəri olub. Hzırda sözügedən BOKT-un idarə heyətinin sədri onun yaxın qohumu Ramal Cəfərovdur.

İddialara görə, Vergi borcu ödənilmədiyi üçün müvafiq qərarla MMC-nin qanuni təmsilçisi Bağman Cəfərovun ölkədən çıxışına məhdudiyyət qoyulub.