07 avqust 2023
255
Üç şirkətin rəhbərinin ölkədən çıxışına "stop" qoyuldu - SƏBƏB
"Yuvah RD” MMC, "Alnef Corp” MMC və "Rinfer AZ Company” MMC-nin rəhbərinin ölkədən çıxışına stop qoyulub.
Yenimeydan.info Qaynarinfo-ya istinadla xəbər verir ki, hər üç şirkətin vergi borcu olduğuna görə İqtisadiyyat Nazirliyi yanında Dövlət Vergi Xidmətinin Bakı
şəhəri Lokal Gəlirlər Baş İdarəsi məhkəməyə xüsusi icraat qaydasında ərizə ilə müraciət edib.
İşə Bakı Kommersiya Məhkəməsində hakim Aytən Əliyevanın sədrliyi ilə baxılıb.
Məlum olub ki, "Yuvah RD” MMC-nin Dövlət Sosial Müdafiə Fonduna 80,03 manat, İşsizlikdən Sığorta Fonduna 3,21 manat, dövlət büdcəsinə 45 276,65 manat məbləğində (o cümlədən, vergilər üzrə 42380,47 manat, faizlər üzrə 2896,18 manat), İcbari Tibbi Sığorta Fonduna 12,8 manat, "Alnef Corp” MMC-nin dövlət büdcəsinə 4182,94 manat məbləğində (o cümlədən, vergilər üzrə 4037,59 manat, faizlər üzrə 145,35 manat), Dövlət Sosial Müdafiə Fonduna 159 manat, İşsizlikdən Sığorta Fonduna 6,36 manat, İcbari Tibbi Sığorta Fonduna 25,42 manat, "Rinfer AZ Company” MMC-nin isə dövlət büdcəsinə 126,26 manat məbləğində (o cümlədən, faizlər üzrə 126,26 manat) borcu var.
Hakim Bakı şəhəri Lokal Gəlirlər Baş İdarəsinin ərizəsini təmin edib.
"Yuvah RD” MMC 17 oktyabr 2022-ci ildə qeydiyata alınıb. Nizamnamə kapitalı 10 AZN olan şirkətin qanuni təmsilçisi Məmmədov Rövşən Əhmədağa oğludur.
"Alnef Corp” MMC isə "Yuvah RD” MMC-dən bir gün sonra yəni 18 oktyabr 2022-ci ildə qeydiyyata alınıb. Bu şirkətin nizamnamə kapitalı 10 AZN, qanuni təmsilçisi isə Məmmədov Rövşən Əhmədağa oğludur.
"Rinfer AZ Company” MMC isə 5 oktyabr 2022-ci ildə qeydiyyata alınıb. Nizamnamə kapitalı 10 AZN, qanuni təmsilçisi Məmmədov Rövşən Əhmədağa oğludur.
Hər üç şirkət eyni hüquqi ünvanda - Bakı şəhəri Binəqədi rayonu, 28 May qəsəbəsi, 20 yanvar küçəsi, ev 1, mənzil 25-də qeydiyyatdadır.
Oxşar Xəbərlər:
Tibbi Sığorta Agentliyindən 11 ay ərzində 20 milyonluq tender udan “ORN GROUP” kimə məxsusdu?
Ədalət Həsənov səhiyyə sistemini ƏYLƏNCƏYƏ ÇEVİRİB... - FAKT BUDUR!
Prezident əfv sərəncamı imzaladı – SİYAHI
"Təmiz Həyat" MMC nə vergi verir, nə rüsum ödəyir... - İDDİA
Naxçıvanda həkimlər etiraz aksiyasına başladı, xəstə qəbulu dayandı