06 fevral 2024
62
Məşhur vəkildən hakimin hüquq dərsliyinə irad
![Məşhur vəkildən hakimin hüquq dərsliyinə irad Məşhur vəkildən hakimin hüquq dərsliyinə irad](https://dia-az.info/uploads/posts/2024-02/thumbs/1707194163_777.jpeg)
Ötən il Konstitusiya Məhkəməsinin hakimi Ceyhun Qaracayevin konstitusiya hüququ üzrə dərsliyi nəşr olunub. Aldım, vərəqlədim və dəhşətə gəldim.
84-cü səhifədə yazır ki, Bayraq meydanındakı bayrağımız dünyada ən böyük bayraqlardan biridir (2017-ci ildən yoxdur axı orada!).
600 səhifəlik kitabda bir dənə olsun istinad yoxdur. Ramiz Mehdiyevdən (s. 77) tutmuş hüquq alimlərinədək sitatlar gətirir, amma istinad vermir.
62-ci səhifədən başlanan “Müasir Azərbaycan konstitusionalizminin mənşəyi” adlı paraqraf Azıx mağarasından başlayır. Hətta deyir ki, “Monqol imperiyasının konstitusiya aktlarının əsilləri müasir dövrədək gəlib çatmayıb” (yəqin kserosurətini hardansa tapıb). Adam konstitusiya hüququ üzrə elmlər doktorudur, amma konstitusion quruluşun (insan haqları və hakimiyyətlərin bölünməsinə söykənən quruluşun) nə olduğunu bilmir.
63-cü səhifədə yazır ki, Azərbaycan milləti Atropatenada (eramızdan əvvəl) formalaşmağa başlayıb, 64-cü səhifədə isə deyir ki, Səlcuqların gəlişi (XI əsr) ilə əhalinin türkləşməsi və Azərbaycan etnosonun formalaşması başlandı.
104-cü səhifədə yazır ki, referendumda qanunlar (əslində referendum aktı!), hansısa yerli sovetlər (əslində bələdiyyələr) və parlament (əslində, o, ancaq qanun qəbul edir) tərəfindən isə alt qanunlar qəbul oluna bilər. Yəni normativ hüquqi aktların təsnifatından belə xəbəri yoxdur!
Kitabda Naxçıvan və onun konstitusiya hüququ haqda heç nə yoxdur. Sanki muxtar respublikamız yoxdur.
Və daha nələr və nələr. Aliminə, müəlliminə, Konstitusiya Məhkəməsinin hakiminə bax millətimin...
P.S. İndi başa düşdünüz də, niyə ədliyyə naziri və Konstitusiya Məhkəməsinin sədri yazdıqları kitabları gizlədirlər. Heç kitabxanada da tapmaq olmur!
Əkrəm Həsənov - dia-az.info
![](/templates/yenimeydan/images/728rkl.jpg)
Oxşar Xəbərlər:
![Dövlət qurumunun tenderini məşhur hakimin oğlunun şirkəti uddu](https://dia-az.com/uploads/posts/2023-12/thumbs/1702631137_888.png)
Dövlət qurumunun tenderini məşhur hakimin oğlunun şirkəti uddu
![Ceyhun Abbasovun təsisçisi olduğu şirkət narkotikdən daha betər təhlükəlidir - "BİZ ON" dan necə xilas ola bilərik](https://mediatv.az/uploads/posts/2023-11/1701159114_1701158210_m.jpg)
Ceyhun Abbasovun təsisçisi olduğu şirkət narkotikdən daha betər təhlükəlidir - "BİZ ON" dan necə xilas ola bilərik
![Qanunla notariuslar da ləğv olunub... onun vəzifəsi də... - İLGİNC FAKTLAR](https://dia.az/uploads/posts/2023-07/thumbs/1689053694_0001.jpg)
Qanunla notariuslar da ləğv olunub... onun vəzifəsi də... - İLGİNC FAKTLAR
![Prezident əfv sərəncamı imzaladı – SİYAHI](/uploads/posts/2023-05/1683528071_1683528005813.png)
Prezident əfv sərəncamı imzaladı – SİYAHI
![Gənc qızın şok əməlləri: “Ərin başqa qadın yanına getməsin deyə…” – Təfərrüat](/templates/yenimeydan/dleimages/no_image.jpg)
Gənc qızın şok əməlləri: “Ərin başqa qadın yanına getməsin deyə…” – Təfərrüat