Məşhur seysmoloqdan DƏHŞƏTLİ ZƏLZƏLƏ xəbərdarlığı

        Türkiyənin İzmir şəhərinin Menderes rayonunda 5.1 maqnituda gücündə zəlzələ olub. Bu barədə Fəlakət və Fövqəladə Halların İdarə Olunması Agentliyi (AFAD) məlumat yayıb. Qeyd olunub ki, zəlzələ Ege dənizində qeydə alınıb. Məlumata görə, zəlzələ 10-15 saniyə çəkib və ətraf rayonlarda da hiss edilib.Region uzun müddətdir aktivdir və güclü zəlzələ gözlənilir. Bəs bu titrəyiş nədən xəbər verir?
“Ölkə.az” xəbər verir ki, seysmoloq Süleyman Pampal bununla bağlı açıqlamalar verib.
O bildirib ki, Türkiyədə zəlzələlər 7,2 bal gücündən artıq olmur. Bunun səbəbi isə odur ki, fay xətləri çox tez-tez qırılır:
 

“Fay xətləri çox parçalanıb, qabıq daha nazikdir… Ona görə də bu bölgə Türkiyədə ən çox zəlzələ baş verən bölgədir. Amma dağıdıcı deyil. Məsələn, 1688-ci ildə İzmir tamamilə dağıldı və 20 minə yaxın itki oldu. Sonra yanğın baş verdi və zəlzələnin ikinci dərəcəli təsiri olaraq hər şey yandı, təsərrüfat dağıldı. O dövrdə İzmir dünyanın mühüm ticarət limanlarından və mərkəzlərindən biri idi. Amma böyük itkilər verib və verməkdə davam edir”.
Seysmoloq qeyd edib ki, Seferihisar Tuzla qırılmaları da dağıdıcı zəlzələlər törətmək potensialına malikdir və aktivdir:
“Gördüyünüz kimi, bu gün yaşadığımız zəlzələ bölgəsi Böyük Menderes qrabeni dediyimiz qraben sistemini meydana gətirən qırılmalardan birinin dəniz kənarında qopması nəticəsində əmələ gəlib. Təəssüf ki, şimal-şərq və cənub-qərb istiqamətində uzanan Seferihisar Tuzla qırılmaları da dağıdıcı zəlzələlər törətmək potensialına malikdir və aktivdir.
İzmir körfəzindən qərbə gedən qırılmalar da İzmiri təhdid edir. 1964-cü ildə Gönen zəlzələsində 6,8 bal gücündə zəlzələ olub. Bunlar Şimali Anadolu fayının cənub qolunun davamı olan faylardır və Qərbi Anadoluya, yəni Çanaqqala, Balıkəsir, Manisa, Aydın, İzmir, Aydın, Muğla, Dənizli və Antalyaya qədər olan bölgəyə təsir edəcək”.
Pampal xəbərdarlıq edib ki, Dənizlidə Pamukkale fayında dağıdıcı zəlzələ potensialı var. Həmçinin Qərbi Anadolu Türkiyədə zəlzələ riskinin ən yüksək olduğu bölgədir.(musavat.com)