08 aprel 2023
223
İranın daha bir İYRƏNC PLANI - NƏ BAŞ VERİR?
Azərbaycanla münasibətlərin gərginləşməsi fonunda son günlərdə İran mətbuatında Ermənistanın hərbi potensialının gücləndirilməsi məsələsi tez-tez ortaya atılır.
Digər tərəfdən, iranlı ekspertlər, ölkəmizə qarşı yönələn təhdidlərə rəğmən, Azərbaycanla mümkün müharibə ehtimalını da istisna edirlər.
Bəllidir ki, 44 günlük müharibədən sonra Ermənistanın hərbi potensialının gücləndirilməsində bir sıra ölkələrlə yanaşı, İran da mühüm rol oynayır. Tehran müharibədən sonra regionda yaranan geosiyasi vəziyyətlə barışmaq istəmir. Bu fonda da hər vəchlə çalışır ki, Azərbaycanın mövqeləri güclənməsin. İranın son zamanlar Azərbaycanla münasibətlərdə gərginliyin artmasına doğru atdığı addımları da məhz buna hesablanıb.
Hələ bu ilin fevralında Ermənistan və İranın Azərbaycana qarşı hərbi təxribata hazırlaşdığı bildirilirdi. Həmin dövrdə İran mətbuatda yayılan xəbərlərə görə, İran İslam İnqilabı Keşikçiləri Korpusunun (SEPAH) 30 nəfərlik qrupu təxribat məqsədi üçün ayrılıb.
Keçən ilin oktyabrında isə molla rejiminin Ermənistana gizli şəkildə İran istehsalı olan 600 raket kompleksi göndərdiyi barədə məlumat verilmişdi. Məlumatda bildirilirdi ki, bundan əlavə SEPAH Ermənistana 500 ədəd “Dehlavieh” tank əleyhinə idarə olunan raket kompleksi və 100 ədəd “Almas” tank əleyhinə raket kompleksi bağışlayıb. Bütün bunlar onu göstərir ki, İran rejimi Ermənistanın yenidən hərbi cəhətdən güclənməsində maraqlıdır.
Bu isə Tehranın Azərbaycana qarşı Ermənistan üzərindən planlar hazırlaması ehtimalını gündəmə gətirib.
DİA.AZ-ın məlumatına görə, Bizim.Media-ya açıqlamasında politoloq Natiq Miri bildirib ki, Tehranın məqsədi Ermənistandan istifadə edərək onu Azərbaycana qarşı qaldırmaq, bununla da ölkəmizi zəiflətməyə çalışmaqdan ibarətdir:
“Ermənistanın silahlandırılması Azərbaycana qarşı İrəvanın bir güc amili olaraq ortaya qoyulması deməkdir. İran əksər müharibələrdə proksi, muzdlu qüvvələrdən istifadə etməklə prosesdə dolayısı ilə iştirak edib. Yəməndə, Suriya, İraq və Livanda dəfələrlə bunun şahidi olmuşuq. İranın Ermənistanı silahlandırması, onlara dəstək verməsi də təxminən bu siyasətin tərkib hissəsidir. Onların məqsədi Ermənistandan istifadə edərək, Azərbaycana qarşı mübarizə aparmaq, ölkəmizi zəiflətməyə çalışmaqdan ibarətdir. Çünki Azərbaycanın və Türkiyənin regionda güclənməsi bütövlükdə türk dünyasının güclənməsi anlamına gəlir ki, bu da İranın yuxusunu qarışdırır”.
Politoloqun fikrincə, İran mətbuatında Ermənistanın hərbi potensialının gücləndirilməsi məsələsinin ortaya atılması əslində Azərbaycana təzyiq xarakteri daşıyır:
“Çünki bu gün İranın etdiyi daha çox təbliğat xarakterlidir. Molla rejimi məhz bu cür təbliğat üzərindən qorxu yaratmaqla ölkəmizə təzyiq etmək istəyir. İran yalan dövlətidir, xarici siyasəti də yalan üzərində qurulub. O baxımdan İran mətbuatında yazılanları ciddi qəbul etmək lazım deyil. Tehranın etdiyi sözdən o tərəfə keçmir. İranın Azərbaycanla birbaşa hərbi toqquşmaya girməsi molla rejiminin məhv olması və parçalanmış Azərbaycanın bütövləşməsinə gedən yoldur”.
Oxşar Xəbərlər:
SEPAH-ın məxfi yığıncağı: Orduda daxili toqquşma var - Şok
ABŞ Azərbaycan-Ermənistan arasında toqquşma proqnozlaşdırır - İrana qarşı güc tətbiqi masada
Dünənki atışmada dəhşətli fakt: erməniləri kim hazırlayıb?
Şah oğlu niyə birdən-birə üzünü Güney Azərbaycana çevirdi – Maraq və müəmma
BAKI-TEHRAN QARŞIDURMASI İRƏVANA NƏ QAZANDIRIR?