Mədəniyyət Nazirliyi bir ildə 2 milyonu nəyə xərcləyib?- MARAQLI DETALLAR

  Adı son günlər bir sıra qalmaqallarda hallanan Mədəniyyət Nazirliyi növbəti tenderinə yekun vurub.
Tribuna.az xəbər verir ki, nazirliyin Əsaslı Tikinti və Təchizat MMC təsərrüfat mallarının satın alımasını həyata keçirəcək.
Məlumatda qeyd edilir ki, tenderin qalibi “TEXNOLOG” MMC olub. Şirkət Mədəniyyət Nazirliyinin sifarişini yerinə yetirmək üçün 1 milyon 349 min 241 manat ödəniş alacaq.
Qeyd edək ki, belə bahalı tenderlər nazirlik 157 adda müxtəlif çeşid məhsul almağı planlaşdırır. Onların içində zibil qutusu, maye sabun, lampalar, avtomat açarlar və digər təsərrüfat malları var.
Tribuna.az-ın açıq mənbələr üzərindən apardığı araşdırma zamanı məlum olub ki, Mədəniyyət Nazirliyi bu ilin may ayında da analoji tender keçirib. Elə həmin tenderin qalibi də “TEXNOLOG” MMC olub. Təsərrüfat mallarının satın alınması məqsədi ilə tərəflər arasında 589 min 86 manatlıq müqavilə bağlanılıb.
Xatırladaq ki, Mədəniyyət Nazirliyinin adı tender qalmaqallarına da qarışıb. Hələ bir qədər əvvəl məlum olmuşdu ki, xaricdə keçirilən tədbirin maliyyələşdirilməsi zamanı xeyli şişirtmələrə yoll verilib.
Qarşı tərəfi də dinləməyə hazırıq.
Fərda Uğur