Ağdamda 3,3 milyon manatlıq işlər görüləcək - TENDER NƏTİCƏSİ

Ağdam, Füzuli və Xocavənddə Bərpa Xidməti Ağdamda abadlıq işləri üzrə tenderin qalibini müəyyənləşdirib.
"DİA-AZ" xəbər verir ki,qurum tərəfindən “Ağdam rayonunun 4 nömrəli yaşayış massivi üzrə Su – Kanalizasiya, yaşıllıq, yol, səki və abadlıq işlərinin” satın alınması ilə bağlı elan edilmiş tenderin nəticəsi açıqlanıb.
Tenderin qalibi "AZ TECHNOCON GROUP" Məhdud Məsuliyyətli Cəmiyyəti olub. Müqavilənin ümumi dəyəri 3 milyon 269 min 870 manat 46 qəpik təşkil edir. Ehtimal olunan qiymət isə 4 milyon 194 mim 039,07 manat idi.