Ağdamdakı İdarəetmə Xidməti “Diler İnşaat” şirkəti ilə 32 milyonluq müqavilə bağlayıb

Ağdam, Füzuli və Xocavənd rayonlarında Bərpa, Tikinti və İdarəetmə Xidməti “Diler İnşaat” şirkəti ilə nəhəng müqavilə bağlayıb.
Bu barədə İqtisadiyyat.az qurumdan məlumat əldə edib.
Müqavilədə Ağdam şəhəri 5 nömrəli yaşayış massivi üzrə yaşayış və qeyri-yaşayış binalarının daxili kommunikasiya işlərinin və avadanlıqların satın alınması nəzərdə tutulur.
Müqavilənin maliyyə dəyəri 31 milyon 934 min 173 manat müəyyənləşib.
Qeyd edək ki, 2016-ci ildə təsis edilmiş “Diler İnşaat” QSC şirkəti tikinti materiallarının satışı və distribusiyası, eləcə də tikinti işlərinin icrası ilə məşğuldur.