Zaporojyaya 771 hücum: Son sutkada 19 nəfər yaralanıb

   Rusiya qüvvələri son sutka ərzində Zaporojya vilayətinə 771 zərbə endirib, nəticədə 19 nəfər yaralanıb.
Yenimeydan Ukrinform-a istinadla xəbər verir ki, bu barədə Regional Hərbi Administrasiyanın rəhbəri İvan Fedorov məlumat verib.
Qeyd edilib ki, 21 yaşayış məntəqəsi hava zərbələri, PUA hücumları, MLRS və artilleriya atəşinə məruz qalıb.
Hücumlar nəticəsində yaşayış evlərinə, nəqliyyat vasitələrinə və infrastruktur obyektlərinə ciddi ziyan dəyib.
Xatırladaq ki, bölgədə gecə saatlarında baş verən əvvəlki hücumda da 18 nəfər xəsarət almışdı.