Təyyarə havaya qalxdıqdan sonra yerə çırpıldı: ölənlər var

 Avstraliyada yüngül mühərrikli təyyarə qəzaya uğrayıb.
Yenimeydan.info xəbər verir ki, yerli polis qəza nəticəsində 3 nəfərin öldüyünü bildirib.
Məlumata görə, qəza yerli vaxtla səhər saat 10:00 radələrində (Bakı vaxtı ilə saat 3:00) Şellharbur hava limanı yaxınlığında (Sidneydən 100 km cənubda yerləşir) baş verib.
Qeyd olunub ki, təyyarə hava limanından qalxdıqdan dərhal sonra yerə çırpılıb və zərbədən sonra alovlanıb.
Qəzanın səbəbləri ilə bağlı araşdırma aparılır.