“Edamı mən həyata keçirməli idim, amma…” – səfirlikdə öldürülən Orxanın atası

 
Bu gün səhər saat 5-də edam hökmü həyata keçirildi. Mənə əvvəlcədən bu barədə məlumat verilmişdi, amma bəzi məsələləri mətbuata açıqlamırdım. Axır ki, bu gün oğlumun qatili edam edildi, cəhənnəmə vasil oldu.

Tribunainfo.az xəbər verir ki, bu sözləri Tehrandakı səfirliyimizə hücum zamanı şəhid olan Orxan Əsgərovun atası Rizvan Əsgərov Trendə açıqlamasında deyib. O bildirib ki, edamda iştirak etmək üçün ona şans da yaradılıb:

“Mənə demişdilər ki, gedib kəndiri çəkərək edamı mən həyata keçirməliyəm. Bizim qanunvericiliyimizdə ölüm hökmü yoxdur. Eyni şəkildə Azərbaycan vətəndaşının da ölüm hökmünü icra etmək hüququ yoxdur. Bu səbəbdən ölüm hökmü İran nümayəndələri tərəfindən icra edildi.
Edamda isə bizim səfirliyimizin nümayəndələri və vəkilimiz iştirak edib”.

Nigar İxtiyarqızı