Vardanyandan “qatı xristian” obrazı yaratmağa çalışırlar

  “GB News” adlı sayt Azərbaycana iftira atıb.
Tribunainfo.az xəbər verir ki, sayt  ölkəmizi “qanunsuz” həbslər həyata keçirməkdə, “etnik təmizləmə” aparmaqda, guya, kilsələri dağıtmaqda ittiham edib.
Bundan başqa, nəşr həmin cızma-qaraya “Heç birimiz təhlükəsiz deyilik” başlığını da verib. İddialardan biri isə hazırda Bakıda mühakimə olunan separatçı Ruben Vardanyana oxumaq üçün “İncil” kitabının verilməməsidir. Onu qatı xristian kimi təqdim edən sayt, hətta ibadət məsələsində də maneələrin olduğu yalanını da paylaşıb.
P.S. Bu tip saytlar separatçını elə təqdim edirlər ki, sanki o, “qatı xristian” olmaqla yanaşı, hətta din təbliği məsələsində Roma Papasından da üstün biridir. Əlləri hər yerdən üzülmüş adamlar onun bu “obrazını” yaratmaqla Qərbdəki xristian təəssübkeşlərin diqqətini çəkməyə çalışır və onların əli ilə Azərbaycana təzyiq etməyi düşünürlər. Amma boşuna cəhddir. Nə Ruben Vardanyan “qatı xristian”dır, nə də “missioner”dir. O, ən yaxşı halda separatçı və maliyyə dələduzundan başqa biri deyil. Bunu Qərb mediası dəfələrlər yazıb.
Fərda Uğur