İranda zəlzələ oldu

         


Bu gün İranın cənub bölgəsində, Hormozqan əyalətində 3,9 bal gücündə zəlzələ baş verib.
Bakupost.az xəbər verir ki, Tehran Universitetinin Geofizika İnstitutuna bağlı Milli Seysmoloji Mərkəz zəlzələnin episentrinin Bəndər-e-Lənge şəhərindən 31 km aralıda, yerin 10 km dərinliyində yerləşdiyini açıqlayıb.
Zəlzələ bölgədə qısa müddətli təşvişə səbəb olub. Yeraltı təkanlar zəif hiss edilib.
Hormozqan əyaləti, xüsusilə Fars körfəzi sahillərində yerləşən bölgələr, İranın ən aktiv seysmik zonalarından biri hesab olunur. Əyalətdə bundan əvvəl də bir neçə güclü zəlzələ baş verib.