DİQQƏT! Bu klinikalarda saxtalaşdırılmış dərmanlardan istifadə olunur

  Son zamanlar özəl tibb müəssisələrində kontrafakt (saxtalaşdırılılmış) dərmanlardan istifadə olunduğu ilə bağlı şübhələrin olması barədə məlumatlar çoxalıb. Bildirilir ki, bir sıra özəl tibb müəssisələrində şüa diaqnostikası zamanı kontrafakt Qadovist adlı kontrast maddədən istifadə olunur. Yenimeydan.info Tribunainfo.az-a    istinadən  xəbər verir ki, kontrast maddənin qanunsuz şəkildə ölkəyə gətirildiyini nəzərə alaraq, onun daşınması və saxlanması zamanı lazımi şərtlərin gözlənilməsi şübhə doğurur. Hesab etmək olar ki, bu dərmanlardan istifadə edən özəl tibb müəssisələri və dövlət xəstənaları tələb edilən qaydalara əməl etmir.
Buna əsasən də, qeyd olunan tibb müəssisələrində dərman vasitələrinin alınması, saxlanılması və istifadəsi zamanı müvafiq qaydalara əməl olunmasına, dərman vasitələrinin keyfiyyəti və təhlükəsizliyi ilə bağlı müvafiq tələblərin yerinə yetirilməsinə aidiyyəti qurumlar tərəfindən nəzarət gücləndirilməlidir.
Məlumata görə, kontrafakt dərmanlardan istifadə olunduğu deyilən özəl tibb müəssisələri bunlardır:
“Respublika Klinik Xəstəxanası”, “UNİ Klinika”, “Photomed Klinika”, “Loğman Klinika”, “Medistyle Hospital”, “Yasamal Hospital”, “Vital Hospital”, “Leyla Klinika”, “Stimul Hospital”, “Kəpəz Hospital”, “Medican – Lənkəran Hospital”, “Bioloji Təbabət – Masallı”, “Aran Hospital – Salyan”, “Gəncə Beynəlxalq Xəstəxanası”, “Gəncə 3 nömrəli Xəstəxana”, “Şəmkir rayon Mərkəzi Xəstəxanası”, “Şəki Alyans Klinika”, “Zaqatala Həyat Hospital”, “Zaqatala Labstyle Hospital”, “Referans Qəbələ”, “Şəfa Tibbi Diaqnostika – Mingəçevir”, “Regional Hospital – Mingəçevir”, “Qarabağ Klinik – Bərdə”, “West Hospital”, “Rezonans Klinika”.
Yazıda adı keçən bütün tərəflərin mövqeyini işıqlandırmağa hazırıq.
Gülşən Rəsul