Panama 100-dən çox rus gəmisini “sıfırlayır”

   Panama hakimiyyəti ABŞ-nin sanksiyalarına məruz qaldıqdan sonra Rusiya bayrağı altında üzən 128 gəminin qeydiyyatını ləğv etməyi planlaşdırır. Yenimeydan.info   xəbər verir ki, bu barədə “Bloomberg” Panama Dəniz Administrasiyasının ticarət donanmasının rəhbəri Ramon Frankonun bəyanatına istinadla məlumat yayıb.
Onun sözlərinə görə, ən azı 70 tanker artıq reyestrdən çıxarılıb, yaxın vaxtlarda daha onlarla tanker siyahıdan çıxarılacaq.
Fevral ayına olan məlumata görə, Rusiyadan qara siyahıda olan tankerlərin ümumi sayı 270-i keçib. “S&P Global”-ın məlumatına görə, sanksiyalar Rusiyanın dəniz neft ixracının yarısını və ya gündə 1,5 milyon barreli əhatə edəcək.
Məlum olduğu kimi, ABŞ-nin keçmiş Prezidenti Co Baydenin administrasiyası səlahiyyət müddətinin sonunda Rusiya neftini daşıyan 183 tankerə, onlarla treyderə və sığorta şirkətlərinə qarşı sanksiyalar tətbiq edib.
“AzPolitika”