Trampın Zelenskiyə təzyiqi: Avropa bunun üçün tələsir...

Avropa hökumətləri dondurulmuş Rusiya aktivlərinin istifadəsi ilə bağlı razılığa gəlməyə tələsirlər.
Axar.az xəbər verir ki, bu barədə “Faynənşl Tayms” nəşri yazıb.
Qeyd olunur ki, oktyabrın 17-i cümə günü Ukrayna və ABŞ arasında aparılan danışıqlardan sonra iş intensivləşib. Ukrayna Prezidenti Vladimir Zelenski Vaşinqtonda amerikalı Donald Trampın Vladimir Putinin müharibəni dayandırmaq tələblərini qəbul etməsi üçün təzyiqə məruz qalıb:
“Oktyabrın 23-də Brüsseldə Avropa liderlərinin sammitinin keçirilməsi planlaşdırılır. Ola bilsin ki, Ukrayna prezidenti də onlara qoşulsun. Siyasətçilər Almaniya kansleri Fridrix Merzin təklifinə əsasən, Ukraynaya 140 milyard avro kredit ayırmaq üçün dondurulmuş Rusiya aktivlərinin istifadəsi ilə bağlı danışıqlar aparmağa çalışacaqlar”.