Prezidentdən yeni təyinat

  2025-ci il 8 oktyabr tarixində Prezident İlham Əliyevin imzaladığı Sərəncamla Şamil Etibar oğlu Rzayev Azərbaycan Respublikasının Minatəmizləmə Agentliyinin (ANAMA) İdarə Heyəti sədrinin birinci müavini təyin edilib.
Yenmeydan  xəbər verir ki, bu barədə ANAMA-nın rəsmi saytında məlumat verilib.

Qeyd edək ki, Şamil Rzayev 18 dekabr 1974-cü ildə anadan olub.

O, 1991-1997-ci illərdə Azərbaycan Dövlət Neft Akademiyasının Yanacaq-Energetika Kompleksində İqtisadiyyat və İdarəetmə fakültəsinin bakalavr və magistr pillələrində təhsil alıb.

2000-2001-ci illərdə Azərbaycan Respublikası Ərazilərinin Minalardan Təmizlənməsi üzrə Milli Agentliyində (ANAMA) Planlaşdırma və Müqavilələr üzrə mütəxəssis, 2001-ci ildən 2025-ci ilədək Birləşmiş Millətlər Təşkilatının İnkişaf Proqramında İnkişaf üzrə Baş müşavir vəzifəsində çalışıb.

Şamil Rzayev 2024-cü ildə Azərbaycan Respublikasının Prezidenti tərəfindən “Minatəmizləmə sahəsində xidmətlərə görə” medalı ilə təltif edilib.