Xarici şirkətin filialı 23 milyon manatlıq tenderin - QALİBİ SEÇİLDİ

“Naxçıvan Yol Təchizat” MMC tərəfindən elan olunan tenderin nəticələri açıqlanıb.

"DİA-AZ" xəbər verir ki, tender Naxçıvan şəhəri, Culfa, Şərur və Babək rayonları ərazisində yerləşən bir sıra qəsəbə və kənd daxili avtomobil yollarının əsaslı təmir işlərini əhatə edir.

Tenderin qalibi “Polat Yol Yapı Sanayi ve Ticaret Anonim Şirketi”nin Azərbaycan Respublikasındakı filialı (VÖEN: 1500968811) olub. Müqavilənin ümumi dəyəri 22 850 195 AZN təşkil edir.
Qeyd edək ki, “Polat Yol Yapı Sanayi ve Ticaret Anonim Şirketi”nin Azərbaycan Respublikasındakı filialı 2007-ci ildə yaradılıb. Filialın qanuni təmsilçisi Aydın Polatdır, hüquqi ünvanı isə Goranboy rayonu, Nadırkənd kəndində yerləşir.