Ukrayna niyə “Oniks” raketlərini vura bilmir? – Açıqlama

  Ukrayna Silahlı Qüvvələrinin hava hücumundan müdafiə sistemi Rusiyanın 7 “Oniks” raketindən heç birini məhv edə bilməyib.
Yenimeydan.info UNİAN-a istinadla xəbər verir ki, bunun səbəblərini izah edən Ukrayna ordusnun Hərbi Hava Qüvvələrinin spikeri Yuri İqnatın sözlərinə görə, ölkəsi hələlik həmin raketləri vurmaq imkanına malik deyil.
O, bildirib ki, “Oniks” saatda 3000 km-dən çox sürətlə uçur, həmçinin hədəfə yaxınlaşan raket sudan 10-15 m hündürlükdə uça bilir:


“Belə raketlərlə mübarizə aparmaq çətindir. X-22 raketləri isə daha sürətlidir. Onlar ballistik trayektoriya ilə hədəfə doğru yönəlir. X-22 raketləri 4000 km/saat sürətlə hərəkət edir. Onları məhv etmək üçün “Patriot” hava hücumundan müdafiə sistemlərinə ehtiyac var”.